కూతురిపై పైశాచికం.. రెండేళ్లుగా తండ్రి, బాబాయ్‌ల అత్యాచారం

కంటికి రెప్పలా కాపాడుతూ...కడుపులో పెట్టుకుని చూసుకోవాల్సిన తండ్రే కన్నకూతురిపై అత్యాచారానికి పాల్పడ్డాడు. దీనిని గమనించిన అతని తమ్ముళ్లు.. బాలికకు చిన్నాన్నలైన ఇద్దరు కూడా ఆమెపై అత్యాచారానికి పాల్పడ్డారు.

వివరాల్లోకి వెళితే... కోయంబత్తూరు జిల్లాకు చెందిన ఓ బాలిక స్థానిక ప్రభుత్వ పాఠశాలలో ఎనిమిదో తరగతి చదువుతోంది. కామంతో కళ్లు మూసుకుపోయిన తండ్రి ఆమెపై అత్యాచారానికి పాల్పడ్డాడు..

ఈ విషయం అతని సోదరుల దృష్టికి వెళ్లడంతో వారు కూడా చిన్నారితో తమ లైంగిక వాంఛ తీర్చుకున్నారు. ఈ ఘోరం గత రెండేళ్లుగా కొనసాగుతోంది. తండ్రి, బాబాయ్‌లు తనను ఏం చేస్తున్నారో కూడా ఆ పసి మనసుకు తెలియదు.

ఈ క్రమంలో బాలిక చదువుతున్న పాఠశాలలో విద్యార్థినులకు లైంగిక వేధింపుల విషయమై అవగాహనా కార్యక్రమాన్ని చేపట్టారు. ఈ క్రమంలో ఓ బాలిక లేచి తన తండ్రి, చిన్నాన్నలు 2016 నుంచి తనపై అత్యాచారానికి పాల్పడుతున్నట్లు తెలిపారు.

బాలిక మాటలు విని దిగ్భ్రాంతికి గురైన అధికారులు దీనిపై పోలీసులకు ఫిర్యాదు చేసి ఆమెను బాలల సంరక్షణ కేంద్రానికి తరలించారు. కేసు నమోదు చేసుకున్న పోలీసులు ఆమె తండ్రి, ఒక చిన్నాన్నను అదుపులోకి తీసుకోని, పరారీలో ఉన్న మరో చిన్నాన్న కోసం గాలిస్తున్నారు.