Beetroot Juice: బీట్రూట్లో శరీరానికి అవసరమైన అనేక పోషకాలు ఉంటాయి. ముఖ్యంగా రోజూ ఒక గ్లాస్ బీట్రూట్ జ్యూస్ తాగడం వల్ల శరీరంలో ఎలాంటి మార్పులు వస్తాయి? ఎవరెవరు ఈ జ్యూస్ తాగకూడదు? వంటి విషయాల గురించి నిపుణులు ఏం చెబుతున్నారో ఇక్కడ చూద్దాం.
బీట్రూట్లో విటమిన్లు, ఖనిజాలు, యాంటీఆక్సిడెంట్లు, సహజ నైట్రేట్లు ఇతర పోషకాలు పుష్కలంగా ఉంటాయి. అందుకే చాలామంది ఉదయం ఒక గ్లాస్ బీట్రూట్ జ్యూస్ తాగుతుంటారు. అయితే రోజూ బీట్రూట్ జ్యూస్ తాగితే నిజంగా శరీరంలో ఏం జరుగుతుంది? దానివల్ల ఎలాంటి ప్రయోజనాలు ఉంటాయి? వంటి విషయాలు ఇక్కడ తెలుసుకుందాం.
25
మెరుగైన రక్తప్రసరణ
బీట్రూట్లో సహజంగా ఉండే నైట్రేట్లు శరీరంలో నైట్రిక్ ఆక్సైడ్గా మారతాయి. ఈ పదార్థం రక్తనాళాలు విస్తరించడానికి సహాయపడుతుంది. దానివల్ల రక్తప్రసరణ మెరుగుపడుతుంది. ఫలితంగా శరీరంలోని వివిధ అవయవాలకు ఆక్సిజన్, పోషకాలు సమర్థంగా చేరుతాయి. బీట్రూట్ జ్యూస్ తీసుకోవడం వల్ల రక్తపోటు కూడా నియంత్రణలో ఉంటుందని కొన్ని అధ్యయనాలు చెబుతున్నాయి.
35
కొత్త కణాల తయారీలో..
బీట్రూట్లో ఫోలేట్, పొటాషియం, మాంగనీస్, విటమిన్–సి వంటి పోషకాలు కూడా ఉంటాయి. ముఖ్యంగా ఫోలేట్ కొత్త కణాల తయారీలో కీలక పాత్ర పోషిస్తుంది. అలాగే పొటాషియం కండరాలు, నరాల పనితీరుకు తోడ్పడుతుంది. కాబట్టి బీట్రూట్ను సమతుల్య ఆహారంలో భాగంగా తీసుకోవడం ఉత్తమం.
బీట్రూట్లో ఉండే యాంటీఆక్సిడెంట్లు శరీరంలోని కణాలను ఆక్సిడేటివ్ స్ట్రెస్ నుంచి రక్షించడంలో సహాయపడతాయి. అలాగే రోజూ ఒక గ్లాస్ బీట్రూట్ జ్యూస్ తీసుకోవడం వల్ల జీర్ణవ్యవస్థకు కూడా మేలు జరుగుతుంది. అయితే జ్యూస్ కంటే పూర్తిగా బీట్రూట్ తినడం వల్ల ఫైబర్ ఎక్కువగా లభిస్తుంది. ఫైబర్ జీర్ణక్రియకు, పేగుల ఆరోగ్యానికి సహాయపడుతుంది.
55
చక్కెర వద్దు
బీట్రూట్ జ్యూస్ ని చక్కెర కలపకుండా తాగడం ఉత్తమం. రుచి కోసం క్యారెట్, అల్లం, నిమ్మరసం వంటివి కలుపుకోవచ్చు. అయితే జ్యూస్ను ఎప్పటికప్పుడు తయారుచేసుకొని తాగడం మంచిది.
బీట్రూట్ ఆరోగ్యకరమైన ఆహారమే అయినప్పటికీ, అందరికీ ఒకే విధంగా సరిపోతుందని చెప్పలేం. కిడ్నీల్లో రాళ్ల సమస్య ఉన్నవారు, షుగర్ పేషెంట్లు వైద్యుల సలహా తీసుకోవడం మంచిది.
