అవిసెగింజల జెల్ ని చాలా మంది జుట్టుకు కండిషనర్ లా వాడతారు. కానీ, ఆ గింజలను నీటిలో నానపెట్టి ప్రతిరోజూ తాగడం వల్ల ఊహించని ప్రయోజనాలు కలుగుతాయని మీకు తెలుసా?
ఆరోగ్యకరమైన ఆహారం.. మన ఆరోగ్యాన్ని నిర్ణయిస్తుంది. అలాంటి హెల్దీ ఫుడ్స్ లో అవిసెగింజలు ముందు వరసలో ఉంటాయి. ఈ చిన్ని గింజల్లో పోషకాలు చాలా ఎక్కువగా ఉంటాయి.ముఖ్యంగా ఉదయం నిద్రలేచని వెంటనే నీటిలో నానపెట్టిన అవిసెగింజలను ఉదయాన్నే తినడం వల్ల చాలా ఆరోగ్య ప్రయోజనాలు ఉన్నాయి.మరి, ఆ ఆరోగ్య ప్రయోజనాలేంటో ఓసారి తెలుసుకుందాం..
25
జీర్ణక్రియ మెరుగుపరుస్తుంది...
అవిసె గింజల్లో ఫైబర్ అధికంగా ఉంటుంది.ఇది పేగు కదలికలను నియంత్రించడంలో సహాయపడుతుంది.అవిసె గింజలను రాత్రిపూట నానపెట్టడం వల్ల ఫైబర్ విస్తరిస్తుంది, జీర్ణక్రియను మెరుగుపరుస్తుంది. ఇది మలబద్దకం, కడుపు సంబంధిత సమస్యలను చాలా సులభంగా తగ్గిస్తుంది.
గుండె ఆరోగ్యాన్ని కాపాడుతుంది:
అవిసె గింజలలోని ఒమేగా-3 కొవ్వు ఆమ్లాలు రక్తపోటును తగ్గించడంలో సహాయపడతాయి. అవి చెడు కొలెస్ట్రాల్ (LDL) స్థాయిలను కూడా తగ్గిస్తాయి. మంచి కొలెస్ట్రాల్ (HDL) స్థాయిలను పెంచుతాయి, ఇది గుండె జబ్బులు, స్ట్రోక్ ప్రమాదాన్ని తగ్గిస్తుంది.
35
మధుమేహాన్ని నియంత్రిస్తుంది:
మధుమేహ వ్యాధిగ్రస్తులకు అవిసె గింజలు చాలా ప్రయోజనకరంగా ఉంటాయి. దీనిలోని కరిగే ఫైబర్ మన శరీరంలో రక్తంలో చక్కెర స్థాయిలలో ఆకస్మిక హెచ్చుతగ్గులను నివారిస్తుంది. ఉదయం ఖాళీ కడుపుతో నానబెట్టిన అవిసె గింజలను తినడం వల్ల ఇన్సులిన్ సున్నితత్వం మెరుగుపడుతుంది.
బరువు తగ్గడంలో సహాయపడుతుంది:
అవిసె గింజలలోని ఫైబర్ ఎక్కువసేపు కడుపు నిండిన అనుభూతిని కలిగిస్తుంది. ఇది అధిక కేలరీల ఆహార పదార్థాల వినియోగాన్ని నిరోధిస్తుంది. అంతేకాకుండా, ఇది శరీర జీవక్రియను పెంచుతుంది. కొవ్వును కరిగించడానికి సహాయపడుతుంది.ఫలితంగా ఈజీగా బరువు తగ్గగలరు
అవిసె గింజలలోని ఒమేగా-3 కొవ్వు ఆమ్లాలు చర్మం , జుట్టు ఆరోగ్యానికి చాలా మంచివి. ఇది చర్మం పొడిబారడం, మొటిమలు , చర్మంపై ముడతలను తగ్గిస్తుంది. అలాగే, ఇది జుట్టు రాలడం , తెల్ల జుట్టు సమస్య రాకుండా చేస్తుంది. రోజూ వీటిని తింటే.. జుట్టు చాలా అందంగా మారుతుంది.
క్యాన్సర్ నిరోధక లక్షణాలు:
అవిసె గింజలలోని లిగ్నన్స్ అనే యాంటీఆక్సిడెంట్లు క్యాన్సర్ కణాల పెరుగుదలను, ముఖ్యంగా రొమ్ము క్యాన్సర్ , ప్రోస్టేట్ క్యాన్సర్ పెరుగుదలను నిరోధిస్తాయి.
55
అవిసె గింజలను ఎలా ఉపయోగించాలి?
1 కప్పు నీటిలో 1 టీస్పూన్ అవిసె గింజలను రాత్రిపూట నానబెట్టండి.
ఈ నీటిని ఉదయం ఖాళీ కడుపుతో త్రాగాలి.
మీరు ఈ అవిసె గింజలను నమలవచ్చు లేదా కొద్దిగా తేనెతో కలిపి తినవచ్చు.
అవిసె గింజలు నిస్సందేహంగా ఒక సూపర్ ఫుడ్. ప్రతి ఉదయం నానబెట్టిన అవిసె గింజలను తినడం ద్వారా, మీరు మీ శరీరంలో పైన పేర్కొన్న అన్ని ఆరోగ్య ప్రయోజనాలను పొందవచ్చు. ఈ సులభమైన మార్పును మీ దినచర్యలో చేర్చుకోండి. దీర్ఘకాలిక ఆరోగ్యాన్ని పొందండి.
