చాలామందికి ఉదయం లేవగానే టీ, కాఫీ తాగే అలవాటు ఉంటుంది. టీ, కాఫీ తాగకపోతే వారికి రోజే స్టార్ట్ కాదు. కొందరైతే రోజుకు నాలుగైదు సార్లు తాగుతూ ఉంటారు. ఎవరైనా చుట్టాలు ఇంటికి వచ్చినా సరే ఫస్ట్ వారికి ఇచ్చేది టీ, కాఫీనే. అయితే టీ, కాఫీ తాగేముందు చాలామంది వాటర్ తాగుతుంటారు. టీ, కాఫీ తాగేముందు నీళ్లు ఎందుకు తాగాలి? తాగకపోతే ఏమవుతుందో ఇక్కడ తెలుసుకుందాం.
టీ, కాఫీ తాగే ముందు నీళ్లు తాగితే చాలా ఆరోగ్య సమస్యలు రాకుండా ఉంటాయని నిపుణులు చెబుతున్నారు. టీ, కాఫీలో ఉండే టానిన్ అనే పదార్థం కడుపులో సమస్యలు తెస్తుందట. అందుకే టీ/కాఫీ తాగే ముందు నీళ్లు తాగడం మంచిదట. ఎక్కువ కాఫీ, టీ తాగడం ఆరోగ్యానికి మంచిది కాదంటున్నారు నిపుణులు.
టీ, కాఫీలు ఎక్కువ తాగితే కడుపు నొప్పి, ఉబ్బరం, అజీర్ణం లాంటి సమస్యలు వస్తాయి. ఈ విషయం తెలియక కొందరు రోజుకి మూడు, నాలుగు లేదా అంతకంటే ఎక్కువసార్లు టీ, కాఫీ తాగుతుంటారు. ఈ సమస్యల నుంచి తప్పించుకోవడానికి నీళ్లు తాగాలి. ఎన్ని నీళ్లు తాగాలో ఇక్కడ తెలుసుకుందాం.
టీ, కాఫీలో ఉండే టానిన్ అనే పదార్థం పేగు కణజాలాన్ని పాడు చేసి, కడుపులో సమస్యలు తెస్తుంది. దీనివల్ల కడుపు నొప్పి, వాంతులు, వికారం లాంటి సమస్యలు వస్తాయి. ఈ సమస్యలు రాకుండా ఉండాలంటే టీ, కాఫీ తాగే 15 నిమిషాల ముందు ఒక గ్లాసు నీళ్లు తాగాలి.
టీ, కాఫీ కడుపులో ఆమ్లాన్ని ఉత్పత్తి చేస్తాయి. టీ, కాఫీ తాగే ముందు ఒక గ్లాసు నీళ్లు తాగితే శరీరంలో పిహెచ్ సమతుల్యత సరిగ్గా ఉంటుంది. ఎక్కువ టీ లేదా కాఫీ తాగడం వల్ల శరీరం డీహైడ్రేట్ అవుతుంది. అందుకే టీ లేదా కాఫీ తాగే ముందు నీళ్లు తాగమని నిపుణులు చెబుతుంటారు.
ఎక్కువ టీ లేదా కాఫీ తాగడం వల్ల పంటి సమస్యలు రావచ్చు. ఎందుకంటే కెఫీన్ టానిన్ అనే రసాయనాన్ని కలిగి ఉంటుంది. ఇది దంతక్షయానికి కారణమవుతుంది. ఇలాంటి పరిస్థితిలో టీ, కాఫీ తాగే ముందు ఒక గ్లాసు నీళ్లు తాగితే పంటి సమస్యలు రావు.
ఖాళీ కడుపుతో టీ లేదా కాఫీ తాగడం వల్ల శరీరంపై చెడు ప్రభావం పడుతుంది. దీనివల్ల అల్సర్ వచ్చే అవకాశం కూడా ఎక్కువ. అందుకే టీ లేదా కాఫీ తాగే ముందు ఉదయం ఒక గ్లాసు నీళ్లు తాగండి. ఆ తర్వాతే మీరు టీ, కాఫీ తాగాలి. ఇలా చేయడం వల్ల అల్సర్ సమస్య నుంచి తప్పించుకోవచ్చు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి