మృదువైన మెరిసే చర్మం కావాలని అందరూ కోరుకుంటారు. కొందరు రకరకాల క్రీములు కూడా ట్రై చేస్తూ ఉంటారు. అయితే సహజంగా దొరికే కొన్ని పదార్థాలతో ఎప్పుడైనా ఫేస్ ప్యాక్ ట్రై చేశారా? వేసవిలోనూ మీ ముఖం అందంగా మెరిసిపోవాలంటే బొప్పాయితో ఈజీగా తయారయ్యే ఈ ఫేస్ ప్యాక్లను ఓసారి ట్రై చేయండి.
బొప్పాయి ఆరోగ్యకరమైన పండ్ల జాబితాలో ఒకటి. ఇందులో ఫైబర్, విటమిన్ బి ఇంకా చాలా పోషకాలు ఉన్నాయి. బొప్పాయి తినడం ఆరోగ్యానికి చాలా మంచిది. అంతేకాదు బొప్పాయి చర్మానికి కూడా బాగా పనిచేస్తుంది. ఇందులో ఉండే యాంటీ ఆక్సిడెంట్లు చర్మాన్ని యవ్వనంగా, మెరిసేలా ఉంచడానికి సహాయపడతాయి.
25
బొప్పాయి ఫేస్ ప్యాక్
బొప్పాయి తినడంతో పాటు దాన్ని ఫేస్ ప్యాక్లా ముఖానికి వేసుకోవచ్చు. బొప్పాయి ఫేస్ ప్యాక్ చర్మానికి మెరుపు ఇవ్వడమే కాకుండా చనిపోయిన కణాలను తొలగించడానికి, మొటిమలను నివారించడానికి బాగా సహాయపడుతుంది. ఇంట్లో తయారుచేసుకునే కొన్ని బొప్పాయి ఫేస్ ప్యాక్ల గురించి ఇక్కడ తెలుసుకుందాం.
35
బొప్పాయి, పసుపు ఫేస్ ప్యాక్
బొప్పాయి ఇంకా పసుపు ఫేస్ ప్యాక్ చేయడానికి ఒక గిన్నెలో బొప్పాయిని మెత్తగా చేసుకోండి. అందులో కొద్దిగా పసుపు వేసి బాగా కలిపి ముఖానికి పట్టించి 10 నిమిషాలు అలాగే ఉంచి తర్వాత చల్లటి నీటితో ముఖం కడగాలి. ఈ ఫేస్ ప్యాక్ని కంటిన్యూగా వాడితే మంచి మార్పులు కనిపిస్తాయి.
45
బొప్పాయి, చందనం ఫేస్ ప్యాక్:
ఈ ఫేస్ ప్యాక్ చేయడానికి ఒక గిన్నెలో బొప్పాయిని మెత్తగా చేసుకోండి. అందులో చందనం పొడి, నిమ్మరసం ఇంకా తేనె వేసి గట్టి పేస్ట్లా తయారుచేయండి. ఇప్పుడు ఈ పేస్ట్ని ముఖానికి పట్టించి 15 నిమిషాలు అలాగే ఉంచండి. తర్వాత చల్లటి నీటితో కడగాలి.
55
అరటిపండు, దోసకాయ, బొప్పాయి ఫేస్ ప్యాక్:
దోసకాయ ఇంకా అరటిపండు చర్మాన్ని తేమగా ఉంచుతాయి. దోసకాయని చిన్న ముక్కలుగా కట్ చేసి బొప్పాయి, అరటిపండుతో మిక్సీలో వేసి పేస్ట్లా తయారుచేయండి. ఆ పేస్ట్ని మీ ముఖం ఇంకా మెడకు పట్టించాలి. 15 నిమిషాలు అలాగే ఉంచి తర్వాత చల్లటి నీటితో ముఖం కడగాలి.
