Health Tips: పెరుగుతో ఇవి కలిపి తింటే.. ఊహించని ప్రయోజనాలు.. ఈ రోగాలు మటుమాయం.!

Flax Seeds with Curd Benefits: పెరుగులో ఆలివ్ విత్తనాలు కలిపి తినడం వల్ల అనేక ప్రయోజనాలు ఉన్నాయి. అందుకే పెరుగుతో ఫ్లక్స్ సీడ్స్  కలిపి తినాలని నిపుణులు సూచిస్తున్నారు. పెరుగు,  ఫ్లక్స్ సీడ్స్ కలయిక వల్ల కలిగే ప్రయోజనాలు ఇప్పుడు తెలుసుకుందాం.

ఫ్లక్స్ సీడ్స్ ప్రయోజనాలు

ఆలివ్ విత్తనాలు (ఫ్లక్స్ సీడ్స్) .. శరీరానికి ఆరోగ్యకరమైన అనేక పోషకాలను అందించే సూపర్ పుడ్.  ఇందులో ఒమేగా-3 కొవ్వు ఆమ్లాలు, ఫైబర్, లిగ్నాన్స్,  ప్రోటీన్ సమృద్ధిగా ఉంటాయి. ఆలివ్ విత్తనాల్లో ఉండే ఒమేగా-3 కొవ్వు ఆమ్లాలు గుండె ఆరోగ్యాన్ని మెరుగుపరచడంలో సహాయపడతాయి. ఇవి హానికరమైన కొలెస్ట్రాల్‌ను తగ్గించి, గుండెపోటు ప్రమాదాన్ని తగ్గించవచ్చు. 

ఇందులో ఉండే ఫైబర్‌లు జీర్ణక్రియను మెరుగుపరచడమే కాకుండా, ప్రేగు కదలికను సజావుగా చేసి మలబద్ధకం సమస్యను తగ్గిస్తాయి. లిగ్నాన్స్ అనే ఫైటోఈస్ట్రోజెన్లు, యాంటీఆక్సిడెంట్లు హార్మోన్ సమతుల్యతను మెరుగుపరచడంలో, కేన్సర్ కణాల వృద్ధిని అడ్డుకోవడంలో ఉపయోగపడతాయి. అలాగే, ఆలివ్ విత్తనాల్లో ఉండే ప్రోటీన్ ఒక మంచి మొక్కల ఆధారిత ప్రోటీన్ మూలంగా పని చేస్తూ శరీర కండరాల పెరుగుదలకు,  శక్తి నిలుపుదలకు తోడ్పడుతుంది.  

పెరుగుతో ఆలివ్ విత్తనాలు కలిపి తీసుకుంటే..

పెరుగులో కూడా శరీరానికి ఆరోగ్యకరమైన అనేక పోషకాలుంటాయి. ఇందులో ఉండే ప్రోటీన్లు శరీరంలోని కండరాల పెరుగుదలకు,  కణాల మరమ్మత్తుకు సహాయపడతాయి. అదేవిధంగా, ఇందులో సమృద్ధిగా ఉండే కాల్షియం ఎముకలు,  దంతాల ఆరోగ్యాన్ని బలోపేతం చేస్తుంది. పెరుగులో ఉన్న ప్రోబయోటిక్స్ ప్రేగులలో హెల్తీ బ్యాక్టీరియాను పెంచి, జీర్ణవ్యవస్థను మెరుగుపరుస్తుంది. 

పెరుగుతో ఆలివ్ విత్తనాలను కలిపి తీసుకుంటే.. మరింత ప్రయోజనాలు పొందవచ్చు. ఆలివ్ విత్తనాల్లో ఉండే ఒమేగా-3 కొవ్వు ఆమ్లాలు చెడు కొలెస్ట్రాల్‌ను తగ్గించి, మంచి కొలెస్ట్రాల్‌ను పెంచడంలో సహాయపడతాయి. దీని వల్ల రక్తపోటు స్థిరంగా ఉండి గుండె జబ్బుల ప్రమాదాన్ని తగ్గిస్తాయి. 

అంతేకాక, ఆలివ్ విత్తనాల్లో ఉండే ఫైబర్ కూడా కొలెస్ట్రాల్ స్థాయిలను సమతుల్యం చేయడంలో దోహదపడుతుంది. ఈ మిశ్రమం ద్వారా శరీరానికి సమపాళ్లలో ప్రోటీన్, కొవ్వులు, ఫైబర్, ప్రోబయోటిక్స్ లభించి ఆరోగ్యాన్ని మెరుగుపరుస్తుంది.

డయాబెటిస్ ఉన్నవారికి వరం

ఆలివ్ విత్తనాల్లో ఉండే ఫైబర్ ఆహారంలో గల గ్లూకోజ్ శోషణను నెమ్మదిస్తుంది. దీని వల్ల రక్తంలో చక్కెర స్థాయిలు నియంత్రణలో ఉంటాయి. ఇది డయాబెటిస్ ఉన్నవారికి ఎంతో అనుకూలంగా ఉంటుంది. అలాగే, ఆలివ్ విత్తనాల్లో ఉండే ప్రోటీన్ కడుపు నిండిన అనుభూతిని కలిగించి, అధిక ఆహారం తీసుకునే అలవాటును తగ్గిస్తుంది. ఇది బరువు తగ్గడానికి, బరువు నిర్వహణకు సహాయపడుతుంది. ఇదే విధంగా, పెరుగులో ఉండే ప్రోటీన్ కూడా ఆకలిని నియంత్రించి, శరీరానికి అవసరమైన పోషకాలను అందిస్తుంది.

ఇక, ఆలివ్ విత్తనాల్లో ఉండే మెగ్నీషియం, ఫాస్పరస్ వంటి ఖనిజాలు,  పెరుగులో ఉండే కాల్షియం కలిసి ఎముకల ఆరోగ్యాన్ని బలోపేతం చేస్తాయి. ఇవి ఎముకల దృఢత్వాన్ని పెంచి, ఆస్టియోపోరోసిస్ వంటి సమస్యలకు పరిష్కరిస్తాయి. అంతేకాకుండా..  ఆలివ్ విత్తనాలు, పెరుగు లో శక్తివంతమైన యాంటీఆక్సిడెంట్లు, యాంటీ ఇన్ఫ్లమేటరీ లక్షణాలు ఉంటాయి. ఇవి శరీరంలోని హానికర రసాయనాలను నివారించి, వ్యాధినిరోధక శక్తిని పెంచుతాయి. ఈ రెండు పదార్థాల సమ్మేళనం శరీరానికి సంపూర్ణ ఆరోగ్యాన్ని అందించడంలో సహాయపడుతుంది. 

ఎలా తీసుకోవాలి?

ఆలివ్ విత్తనాల్లో ఉండే లిగ్నాన్స్.. ఈస్ట్రోజెన్ హార్మోన్ చర్యను ప్రభావితం చేస్తాయి. రుతుక్రమం ఆగిపోయిన తర్వాత (మెనోపాజ్) వారి వచ్చే సమస్యలు (వంటి వేడి వేడి తరంగాలు (hot flashes), మానసిక చంచలత, అలసట మొదలైనవి) లను తగ్గించడంలో సహాయపడతాయని పరిశోధనలు సూచిస్తున్నాయి.

లిగ్నాన్స్‌తో పాటు ఆలివ్ విత్తనాల్లో ఉండే ఇతర యాంటీఆక్సిడెంట్ సమ్మేళనాలు కూడా ఫ్రీ రాడికల్స్ వల్ల శరీర కణాలకు కలిగే నష్టాన్ని తగ్గించి, కణ ఆరోగ్యాన్ని మెరుగుపరుస్తాయి. 

ఆలివ్ విత్తనాల కంటే పొడిగా తీసుకోవడం బెటర్. ఆలివ్ విత్తనాలు మొత్తం జీర్ణం కాకుండా బయటకు వెళ్లే అవకాశం ఉంది. రోజుకు ఒకటి నుండి రెండు టీస్పూన్ల పొడి పెరుగుతో కలిపి ఉదయం అల్పాహారంగా లేదా   సాయంత్రం చిరుతిండి (స్నాక్స్) గా తీసుకుంటే మంచి ప్రయోజనాలు పొందవచ్చు. 

వైద్య సలహా

ఆలివ్ విత్తనాల్లో ఫైబర్ ఎక్కువగా ఉండటంతో వీటిని తీసుకునేటప్పుడు తగినంత నీరు త్రాగడం ముఖ్యం. లేకపోతే ఉబ్బరం, జీర్ణ సమస్యలు కలిగే అవకాశం ఉంది. పిల్లలు, గర్భిణీలు, పాలిచ్చే తల్లులు, ఆరోగ్య సమస్యలున్నవారు వీటిని వాడకానికి ముందు వైద్యుల సలహా తీసుకోవాలి.