రాత్రిపూట ఈ లక్షణాలు కనిపిస్తే.. మీకు డయాబెటిస్ ఉండొచ్చు!

Diabetes: ఆరోగ్యాన్ని ప్రభావితం చేసే సమస్యలో డయాబెటిస్ ఒకటి. ఈ సమస్య ఒక్కటి వస్తే చాలు.. మిగతా సమస్యలన్నీ ఒకదాని తర్వాత ఒకటి వస్తూనే ఉంటాయి. ఈ నేపథ్యంలోనే రక్తంలో చక్కెర స్థాయిలు ఎక్కువగా ఉంటే రాత్రి వేళలో ఏ లక్షణాలు ఉంటాయో తెలుసుకోండి.

డయాబెటిస్

ఈ రోజుల్లో డయాబెటిస్ రోగుల సంఖ్య పెరుగుతోంది.  జీవనశైలి, తినే అలవాట్లు, నిద్రలేమి, మానసిక ఒత్తిడి, శారీరక శ్రమ లేకపోవడం ఇందుకు కారణం. క్లోమగ్రంధి తగినంత ఇన్సులిన్ ఉత్పత్తి చేయలేకపోతే లేదా ఉత్పత్తి అయిన ఇన్సులిన్‌ని సరిగ్గా ఉపయోగించుకోలేకపోతే, రక్తంలో చక్కెర పెరిగి డయాబెటిస్ వస్తుంది.

షుగర్ లెవల్స్ పెరిగితే

రాత్రి సమయంలో రక్తంలో చక్కెర స్థాయిలు పెరిగినప్పుడు, అంటే హైపర్గ్లైసీమియా ఉన్నప్పుడు, డయాబెటిస్ ఉన్నవారిలో కొన్ని లక్షణాలు కనిపిస్తాయి.  

ఎక్కువ దాహం

ఎంత నీళ్లు తాగినా దాహం తీరట్లేదా? రక్తంలో చక్కెర పెరిగినప్పుడు ఇలా జరుగుతుంది. ఎక్కువ చక్కెరని బయటకి పంపడానికి తరచుగా మూత్ర విసర్జన జరుగుతుంది. దీనివల్ల శరీరంలో నీళ్లు తగ్గి దాహం ఎక్కువ అవుతుంది. రాత్రిళ్లు ఈ లక్షణం ఉంటే వెంటనే డాక్టర్‌ని సంప్రదించండి.

అలసట:

రోజూ రాత్రి అలసిపోతున్నారా? అది డయాబెటిస్ లక్షణం కావొచ్చు. రక్తంలో చక్కెర ఎక్కువగా ఉంటే.. గ్లూకోజ్‌ని ఉపయోగించుకోవడాన్ని కణాలు ఆపుతాయి. దీనివల్ల శరీరానికి తగినంత శక్తి లభించదు. బాగా విశ్రాంతి తీసుకున్నా రాత్రి అలసిపోతుంటే.. మీకు డయాబెటిస్ ఉండొచ్చు.

చెమట:

పగలు శ్రమ చేసినప్పుడు చెమట పట్టడం సహజం. కానీ రాత్రిళ్లు ఎక్కువ చెమట పడితే జాగ్రత్త. ఇది డయాబెటిస్‌కి ముందస్తు లక్షణం. రక్తంలో చక్కెర మారినప్పుడు శరీర ఉష్ణోగ్రత మారుతుంది. దీనివల్ల చెమట ఎక్కువ అవుతుంది.

తరచుగా మూత్ర విసర్జన:

రాత్రిళ్లు ఎక్కువగా మూత్ర విసర్జన చేస్తున్నారా? ఇది టైప్ 2 డయాబెటిస్ లక్షణం. రక్తంలో చక్కెర పెరిగినప్పుడు మూత్ర విసర్జన ఎక్కువ అవుతుంది. దీనివల్ల నిద్ర భంగం కలుగవచ్చు.  

నిద్రలో శ్వాస ఆడకపోవడం:

నిద్రలో శ్వాస ఆడకపోవడం రక్తంలో చక్కెర పెరగడానికి సంకేతం. గ్యాస్ట్రిక్ సమస్య ఉన్నవారిలో ఈ లక్షణం ఎక్కువ. రాత్రిళ్లు ఈ సమస్య ఉంటే వెంటనే డాక్టర్‌ని కలిసి పరీక్షలు చేయించుకోండి.