సెన్సేషనల్ డైరెక్టర్ ప్రశాంత్ నీల్ - పాన్ ఇండియా స్టార్ ప్రభాస్ కాంబినేషనల్ లో రూపుదిద్దుకుంటున్న భారీ యాక్షన్ ఫిల్మ్ ‘సలార్’ (Salaar). నిన్న ఈ చిత్రం రిలీజ్ డేట్ ను అనౌన్స్ చేయగా.. తాజాగా చిత్ర షూటింగ్, తదితర ఇంట్రెస్టింగ్ డిటేయిల్స్ రివీల్ అయ్యాయి.
పాన్ ఇండియా స్టార్ ప్రభాస్, కేజీఎఫ్ డైరెక్టర్ ప్రశాంత్ నీల్ కాంబినేషన్ లో వస్తున్న భారీ యాక్షన్ ఫిల్మ్ ‘సలార్’. ఈ చిత్రం శరవేగంగా షూటింగ్ ను పూర్తి చేసుకుంటోంది. ఈ చిత్ర షూటింగ్ మొదలై చాలా కాలమే అవడంతో మూవీ కోసం ఫ్యాన్స్ ఆశగా ఎదురుచూస్తున్నారు. ఎప్పుడు ఏ అప్డేట్ వస్తుందోనని చిత్రంపై ఇంట్రెస్ట్ చూపుతున్నారు.
తాజాగా అభిమానులను కోరికను నిన్నటి అప్డేట్ తో తీర్చారు మేకర్స్. గూస్ బంప్స్ తెప్పించే పోస్టర్ తో.. సినిమా రిలీజ్ డేట్ ను కూడా అనౌన్స్ చేయడంతో అభిమానులు, ప్రేక్షకులు ఫుల్ ఖుషీ అవుతున్నారు. ఈ సందర్భంగా తదుపరి అప్డేట్స్ కోసం ఆసక్తిగా ఎదురుచూస్తున్నారు.
ఈ సందర్భంగా సలార్ షూటింగ్ కు సంబంధించి, ఇతర అంశాలకు సంబంధించి కొన్ని అప్డేట్స్ ఇంటర్నెట్ లో వైరల్ అవుతున్నాయి. షూటింగ్ విషయానికొస్తే ప్రభాస్ ఏక కాలంలో ఇటు ‘సలార్’.. అటు ‘ప్రాజెక్ట్ కే’ చిత్రాల్లో నటిస్తున్నారు. 15 రోజులు Salaarకు, మరో 15 రోజులు Project K సెట్స్ కు హాజరవుతూ షూటింగ్ పార్ట్ ను పూర్తి చేస్తున్నారు.
ప్రస్తుతం సలార్ చిత్రం 50 శాతానికి పైగా షూటింగ్ ను పూర్తి చేసుకుంది. ఇప్పటికే పలు భారీ యాక్షన్ సీక్వెన్స్ లను షూట్ చేసిన ప్రశాంత్ నీల్.. ప్రస్తుతం మరిన్ని కీలక సన్నివేశాలను చిత్రీకరించనున్నారు. నెక్ట్స్ షెడ్యూల్స్ లో సలార్ షూటింగ్.. ఇండియాతో పాటు యూరోప్, మిడిల్ ఈస్ట్, ఆఫ్రియా దేశాల్లోని పలు లోకేషన్లలో జరగనుంది.
‘కేజీఎఫ్’తో ప్రేక్షకులకు అసలైన మాస్ విజువల్స్, అదిరిపోయే గ్రాఫిక్స్ ను చూపించిన దర్శకుడు ప్రశాంత్ నీల్ ‘సలార్’లో ఆ డోస్ ను పెంచనున్నారు. ఇందుకు కోసం ప్రముఖ ఇంటర్నేషనల్ స్టూడియోకు వీఎఫ్ఎక్స్ బాధ్యతలను అందించారు. హాలీవుడ్ రేంజ్ లో గ్రాఫిక్స్ ఉండబోతుందని తెలుస్తోంది. ఇప్పటికే వచ్చిన పోస్టర్లను చూస్తే అర్థమైపోతోంది.
దాదాపు రూ. 400 కోట్ల బడ్జెట్ తో తెరకెక్కిస్తున్న ఈ చిత్రాన్ని హుంబలే ఫిల్మ్స్ బ్యానర్ పై ‘కేజీఎఫ్’ నిర్మాత విజయ్ కిరగందూర్ నిర్మిస్తున్నారు. ప్రశాంత్ నీల్ దర్శకత్వం వహిస్తున్నారు. ప్రభాస్ ‘సలార్’ పాత్రను పోషిస్తున్నారు. గ్లామర్ బ్యూటీ శృతి హాసన్ హీరోయిన్ గా నటిస్తోంది. జగపతిబాబు, తదితరులు కీలక పాత్రలను పోషిస్తున్నారు.