`ఉప్పెన` బ్యూటీ కృతి శెట్టి.. టాలీవుడ్లోకి ఉప్పెనలా వచ్చింది. ఒక్క సినిమాతో ఓవర్నైట్లో స్టార్ అయిపోయింది. ఆ తర్వాత కుప్పలు తెప్పలుగా ఆమెకి సినిమా అవకాశాలు వచ్చాయి. ప్రారంభంలో ఛాన్స్ లు రావడమే గొప్ప, పైగా స్టార్ హీరోలతో సినిమా అంటే మరో ఆలోచన చేయలేదు. వరుసగా ఐదారు సినిమాలకు సైన్ చేసింది. తీరా అవన్నీ బోల్తా కొట్టాయి.
నానితో కలిసి నటించిన `శ్యామ్ సింగరాయ్` ఓ మోస్తారుగానే ఆడింది. హిట్ ఖాతాలో పడలేదు. నాగచైతన్యతో చేసిన `బంగార్రాజు` యావరేజ్గానే ఆడింది. దీంతోపాటు రామ్తో చేసిన `ది వారియర్స్`, నితిన్తో నటించిన `మాచర్ల నియోజకవర్గం`, సుధీర్బాబు `ఆ అమ్మాయి గురించి మీకు చెప్పాలి`, నాగచైతన్యతో `కస్టడీ` చిత్రాలు చేసింది. ఇవన్నీ బ్యాక్ టూ బ్యాక్ విడుదలయ్యాయి. ఒక్కోక్కటిగా బోల్తా కొడుతూ వచ్చాయి. దీంతో ఎంత వేగంగా పైకి లేచిందో, ఇప్పుడు అంతే వేగంగా పడిపోయింది కృతి శెట్టి.
దీంతో తెలుగులో ఆఫర్స్ కరువయ్యాయి. ఈ బ్యూటీని పట్టించుకోవడం లేదు. ఈ క్రమంలో కృతి శెట్టి ఓ షాకింగ్ విషయాన్ని బయటపెట్టింది. తనని బాగా బాధిపెట్టిన ప్రశ్న ఏంటో తెలిపింది. ప్రేమ ఇంటర్వ్యూలో ఆమె ఈ విషయాన్ని తెలిపింది. మీకు బాగా రెగ్యూలర్గా అనిపించిన ప్రశ్న, బాగా హర్ట్ చేసిన ప్రశ్న ఏది అని ప్రశ్నించగా, కృతి శెట్టి రియాక్ట్ అయ్యింది.
తనకు రెగ్యూలర్గా సినిమాకి సంబంధించి స్టార్ హీరో, దర్శకుడు, షూటింగ్ ఎక్స్ పీరియెన్స్ గురించి అడుతారదని, వారితో పనిచేయడం ఎలా ఉందని తరచూ అడుగుతుంటారని, అది తనకు ఫన్నీగా అనిపిస్తుందట. ఒకవేళ షూటింగ్ ఎక్స్ పీరియెన్స్ బాగా లేకపోతే, ఆ విషయం చెబుతామా? అని అనిపిస్తుంటుందని వెల్లడించింది కృతి శెట్టి.
Custody Movie Review
ఇక బాగా హర్ట్ చేసిన ప్రశ్న గురించి చెబుతూ, `కస్టడీ` సినిమా ఫెయిల్ అయితే ఇదే మీకు చివరి సినిమా అవుతుందా?, ఇక ఆఫర్లు రావా? అని అడిగారట. అది తనని బాగా బాధ కలిగించిందని తెలిపింది. అందులో కొంత నిజమే ఉన్నా, లక్కీగా తనకు ఆఫర్లు వస్తున్నాయని, బిజీగా ఉన్నట్టు తెలిపింది. తనకి అవకాశాలు ఇస్తున్నారని వెల్లడించింది, నిత్యం తాను నిరూపించుకునేందుకు ప్రయత్నిస్తూనే ఉంటానని వెల్లడించింది కృతి శెట్టి.
కృతి శెట్టి చివరగా `కస్టడీ` చిత్రంలో నటించింది. ఈ మూవీ నిజంగానే ఆడలేదు. ఆ ప్రభావం కృతి శెట్టి కెరీర్పై పడింది. ఆమెకి తెలుగులో ఆశించిన స్థాయిలో ఆఫర్లు రావడం లేదు. ప్రస్తుతం మలయాళంలో ఓ మూవీ, తమిళంలో మూడు సినిమాలు చేస్తూ బిజీగా ఉంది. టాలీవుడ్ ముఖం చాటేయగా, కోలీవుడ్ ఆదుకుందని చెప్పొచ్చు.