బ్రతికితే శృతి హాసన్ లా బ్రతకాలి. సొసైటీ, రూల్స్ అనేవి పట్టించుకోకుండా స్వేచ్ఛా జీవితం అనుభవించాలి. లేడీ రామ్ గోపాల్ వర్మలా తయారైంది శృతి.
కమల్ హాసన్ వారసురాలు శృతి హాసన్ లైఫ్ చాలా బోల్డ్ గా ఉంటుంది. ఆమెది అంతా ఫారిన్ కల్చర్. రిలేషన్స్, ఎఫైర్స్ గట్రా ఓపెన్ గా పెట్టుకుంటుంది. అందులో ఎలాంటి దాపరికం ఉండదు. కొన్నాళ్ళు లండన్ కి చెందిన మైఖేల్ కోర్స్లే అనే వ్యక్తితో శృతి ఎఫైర్ నడిపింది. అతడితో సహజీవనం చేసింది.
మైఖేల్ కోసం శృతి కెరీర్ కూడా వదిలేసింది. 2017 తర్వాత ఆమె సినిమాలకు బ్రేక్ ఇచ్చారు. దాదాపు రెండేళ్లు ఆమె సిల్వర్ స్క్రీన్ పై కనిపించలేదు. అంత ఘాడంగా మైఖేల్ ని లవ్ చేసింది. అనూహ్యంగా 2019లో ఈ జంట విడిపోయారు. సోషల్ మీడియా వేదికగా బ్రేకప్ చెప్పుకున్నారు.
కొన్నాళ్ళు ఒంటరిగా ఉన్న శృతి 2020లో మరో రిలేషన్ స్టార్ట్ చేసింది. ఈసారి ముంబైలో ఉండే డూడుల్ ఆర్టిస్ట్ శాంతను హజారికను ఎంచుకుంది. రెండున్నరేళ్లుగా అతనితో సహజీవనం చేస్తుంది. శాంతనుతో దిగిన ఫోటోలు,వీడియోలు ఫ్యాన్స్ తో పంచుకుంటుంది.
తాజాగా శృతి శాంతనుతో రిలేషన్ పై స్పష్టమైన అవగాహన ఇచ్చింది. ఫ్యాన్స్ తో శాంతను గురించి విశేషాలు పంచుకుంది. శృతి మాట్లాడుతూ... శాంతను చాలా ప్రశాంతంగా ఉంటాడు. అలాగే దయ కలిగిన వ్యక్తి. అతనిలోని ఈ రెండు లక్షణాలు నాకు చాలా ఇష్టం. శాంతను కారణంగా నేను మారిపోయాను. అతనిలో ఉన్న ఈ మంచి అలవాట్లు నేను కూడా అలవరుచుకుంటున్నాను.
శాంతను నాకు బెస్ట్ ఫ్రెండ్. అతనితోనే నేను కలిసి ఉంటున్నాను. శాంతను నన్ను సంతోషంగా ఉంచుతాడు. ఎప్పుడూ నాతోనే ఉంటాడు. ఇక సోషల్ మీడియా కామెంట్స్ ఇద్దరం కలిసి చుదువుతాం. ఆ కామెంట్స్ చదువుతుంటే చాలా ఫన్నీగా ఉంటుంది. అది మేము ఎంజాయ్ చేస్తాము... అని శృతి చెప్పుకొచ్చారు. శాంతను రిలేషన్ తనకు మంచి అనుభూతిని ఇస్తుందని శృతి చెప్పకనే చెప్పింది.
కాగా శృతి హాసన్(Shruti Haasan) కెరీర్ మరలా పుంజుకుంది. సొంత పరిశ్రమ తమిళంలో ఆఫర్స్ తగ్గినప్పటికీ తెలుగులో ఆమె బిజీ అయ్యారు. ఏకంగా మూడు భారీ చిత్రాలు ఆమె చేతిలో ఉన్నాయి. వీరసింహారెడ్డి, వాల్తేరు వీరయ్య విడుదలకు సిద్ధం అవుతున్నాయి. సలార్ షూటింగ్ జరుపుకుంటుంది.
శృతి 2023 సంక్రాంతి హీరోయిన్ కానుంది. చిరంజీవి(Chiranjeevi), బాలయ్యల పండగ చిత్రాల్లో ఆమె నటిస్తున్నారు. గతంలో అతికొద్ది మంది హీరోయిన్స్ మాత్రమే సంక్రాంతికి విడుదలవుతున్న రెండు పెద్ద చిత్రాల్లో హీరోయిన్ గా చేశారు. 2001 సంక్రాంతికి నరసింహనాయుడు, మృగరాజు చిత్రాలు విడుదలయ్యాయి. ఈ రెండు చిత్రాల్లో సిమ్రాన్ హీరోయిన్ గా నటించారు.
వీరసింహారెడ్డి, వాల్తేరు వీరయ్య(Waltair Veerayya) చిత్రాల్లో హీరోయిన్ గా ఉన్న శృతి సీనియర్ హీరోయిన్ సిమ్రాన్ సరసన చేరారు. ఈ రెండు చిత్రాలపై పరిశ్రమలో భారీ అంచనాలు ఉన్నాయి. ఇక శృతి చేస్తున్న అతిపెద్ద ప్రాజెక్ట్ సలార్. కెజిఎఫ్ ఫేమ్ ప్రశాంత్ నీల్ దర్శకత్వంలో ప్రభాస్ హీరోగా తెరకెక్కుతుంది. చాలా వరకు షూటింగ్ జరుపుకున్న ఈ చిత్రం వచ్చే ఏడాది విడుదల కానుంది. సలార్ (Salaar)విజయం సాధిస్తే శృతి కెరీర్ కి మరింత ప్లస్ అవుతుంది.