Janaki kalaganaledu: పీకల్లోతూ ప్రేమలో జెస్సి, అఖిల్.. మల్లికకు ఇంటి పనులు అప్పాజెప్పిన జ్ఞానంబ!

Janaki Kalaganaledu: బుల్లితెరపై ప్రసారమవుతున్న జానకి కలగనలేదు సీరియల్ తెలుగు ప్రేక్షకుల్ని బాగా ఆకట్టుకుంటుంది. ఐపీఎస్ కలను నిజం చేసుకునేందుకు అత్తవారింట్లో జానకి పడే కష్టాలే ఈ సీరియల్ కాన్సెప్ట్. నిత్యం ట్విస్టులతో కొనసాగుతున్న ఈ సీరియల్ ఈ రోజు ఆగస్ట్ 16 తేదీ ఎపిసోడ్‌లో ఏం జరిగిందో తెలుసుకుందాం...  

ఈరోజు ఎపిసోడ్ ప్రారంభంలోనే... రాత్రి మల్లికా తన గదిలో కూర్చొని నాకు ఆకలి విలువ ఇప్పుడు తెలుస్తుంది అని బాధపడుతూ ఉంటుంది.ఈ లోగ పక్కనున్న విష్ణు గురక పెట్టి పడుకుంటాడు దాన్ని చూసి మల్లికాకి కోపం వస్తుంది.అంతట్లో కరెంటు పోతుంది ఇది ఒకటి నా ప్రాణానికి అనుకొని మల్లికా బయటికి చూసేసరికి ఒక లైట్ అలా కదులుతూ ఉంటుంది. దెయ్యం అనుకొని మల్లికా గట్టిగా అరుస్తుంది అప్పుడు ఇంట్లో వాళ్ళందరూ వచ్చి ఏమైంది అని అడుగుతారు.

ఇంట్లో ఒక దయ్యం ఉన్నది జానకి గది లో  లైట్ పట్టుకొని అలా వెళ్తుంది అని అనగా జానకి రామాలు నవ్వుకొని అది దెయ్యం కాదు మల్లికా ఈ లైట్ అని చెప్పి చూపిస్తారు.అందరూ నవ్వుకుంటారు.అప్పుడు జ్ఞనాంబ,మల్లికా జానకికి దగ్గరలో పరీక్షలు ఉన్నాయి ఆ పరీక్షలు అయ్యేవరకు ఇంట్లో పని అంతా నువ్వే చేయాలి జానకి ఏం పని చెయ్యదు అని అంటుంది.అప్పుడు జానకి వద్దు అత్తయ్య గారు నేను నా పనులన్నీ చేసుకుని చదువుకుంటాను అని అనగా నేను నిన్ను పూర్తిగా పనులు చెయ్యొద్దని అనలేదు.

చదువుకి ఆటంకం వస్తుందని ఈ పనులు వద్దు అంటున్నాను. పరీక్షలు అయిపోయిన తర్వాత నీ పనుల్లో ఎక్కడా లోటు ఉండకూడదు అని చెప్పి వెళ్ళిపోతుంది. జానకి ఎంతో ఆనందిస్తుంది అక్కడి నుంచి అందరూ వెళ్లిపోయిన తర్వాత మల్లిక ఏడుస్తూ అక్కడ కూర్చొని అనవసరంగా కెలుకున్నట్టున్నాను అని అనుకుంటుంది. ఆ తర్వాత రోజు ఉదయం మల్లిక ఇల్లుకి తడిబట్ట పెడుతుంది. ఈలోగా చికిత అక్కడికి వస్తుంది మల్లిక, వాళ్ళ అత్త మీద కోపం అంతా చికిత మీద చూపిస్తుంది.

ఇప్పుడు నేను ఈ విషయం పెద్దమ్మ గారికి చెప్తాను అని చికిత అనగా నేను మా అత్త పేరు వింటే భయపడిపోతాను అనుకుంటున్నావా అని వాళ్ళ అత్తని తిడుతుంది మల్లిక  ఒక చాటు నుంచి గోవిందరాజు ఇది అంతా వింటాడు. దీనికి ఎలాగైనా బుద్ధి చెప్పాలి అని మల్లిక తడిగుడ్డ పెట్టిన చోటే ఫోన్ మాట్లాడుతున్నట్టు నటిస్తూ అంతా తొక్కేస్తాడు. అలాగ మల్లిక వత్తడం గోవిందరాజు తొక్కేయడం అవుతూ ఉంటుంది. కొంతసేపటి తర్వాత నేను అత్తయ్య గారికి చెప్తాను మావయ్య అని అంటుంది. అప్పుడు గోవింద రాజు, నువ్వు అత్తయ్య గారికి నా గురించి చెప్పు, నేను నీ గురించి చెప్తాను.

చెప్పుకుంటే చెప్పుకో అని ఇందాక నువ్వు చికితాతో అన్న మాటలన్నీ ఫోన్లో రికార్డ్ చేశాను అని అంటాడు. అప్పుడు మల్లిక ఏమీ చేయలేక ఏడుస్తూ అక్కడే కూర్చుంది పోతుంది. ఆ తర్వాత సీన్లో అఖిల్ జెస్సి బండి మీద వెళుతూ ఉంటారు. అప్పుడు జెస్సి నువ్వు కూడా ఒక బండి కొనుక్కోవచ్చు కదా బేబీ అప్పుడు మనం ఎప్పుడు కావాలంటే అప్పుడు బయటకు వెళ్లొచ్చు అని అనగా అమ్మని అడిగి కొనుక్కుంటాను. నువ్వు అడిగేసరికి నేను కాదంటానా అని అంటాడు. దాని తర్వాత వాళ్ళిద్దరూ ఒక చోటు దగ్గర ఆగుతారు రేపు రాఖీ పండగ కదా కాలేజ్ సెలవు కదా ఇద్దరం బయటికి వెళ్దామా అడుగుతాడు.

రేపు రాఖీ పండుగే కాదు నా పుట్టిన రోజు కూడా అని అంటాది జెస్సి. నేను మర్చిపోయాను సారీ సరే అయితే రేపు మనం లాంగ్ డ్రైవ్ వెళ్దాము అని వాళ్ళు సరదాగా మాట్లాడుకుంటూ ఉంటారు. ఆ తర్వాత రోజు జానకి రాఖీ పండక్కి కావాల్సిన ఏర్పాట్లు అన్నీ చేసి స్వీట్లు, రాఖీ అంత టేబుల్ మీద పెట్టి ఇంట్లో వాళ్ళని పిలుస్తుంది. జానకిని చూసి గోవిందరాజు జ్ఞానాంబతో జానకిని చూస్తే నాకు ఒకసారి బాధనిపిస్తుంది.ఇంకోవైపు సంతోషం అనిపిస్తుంది ప్రతి సంవత్సరం రాఖీ కట్టే వాళ్ళ అన్నయ్యకి దూరమైంది కానీ ఆ బాధ తెలియకుండా బయటికి చాలా సంతోషంగా నటిస్తుంది అని బాధపడతాడు.

ఈలోగా అక్కడికి అందరూ వస్తారు వెన్నెల, వాళ్ళ అన్నయ్య లు ముగ్గురికి రాఖీ కడుతుంది. చికిత, వాళ్ళ తమ్ముడు కి రాఖీ కట్టింది. ఈలోగ మల్లికా వాళ్ళ తమ్ముడు వాళ్ళ ఇంటికి వస్తాడు. నువ్వేంటి రా ఇక్కడికి వచ్చావని మల్లిక అనగా రాఖీ కట్టడానికి ఇక్కడికి రమ్మని నిన్న అత్తయ్య గారు ఫోన్ చేశారు అని అంటాడు మళ్ళీక  తమ్ముడు. అప్పుడు మళ్ళీక తన తమ్ముడికి రాఖీ కడుతున్నప్పుడు  మనసులో జానకి నన్ను చూసి కుళ్ళుకుంటూ ఉంటాది. దీని మీద పొగలు జల్లుదాము అని మనసులో అనుకుంటుంది. ఇంతటితో ఎపిసోడ్ ముగుస్తుంది తర్వాయి భాగంలో ఏం జరిగిందో తెలియాలంటే రేపటి వరకు ఎదురు చూడాల్సిందే!