శర్వానంద్ పెళ్లి చేసుకోబోయే అమ్మాయికి ఇంత బ్యాగ్రౌండ్ ఉందా..వామ్మో ఆమె ఫ్యామిలీ మెంబర్స్ హేమాహేమీలు

టాలీవుడ్ లో మోస్ట్ ఎలిజిబుల్ బ్యాచిలర్స్ లో హీరో శర్వానంద్ ఒకరు. ప్రస్తుతం శర్వానంద్ వయసు 38 ఏళ్ళు. థర్టీ ప్లస్ ఉండి కూడా పెళ్లి చేసుకోని బ్యాచిలర్స్ టాలీవుడ్ లో చాలా మందే ఉన్నారు. అయితే ఇన్నాళ్లకు శర్వా తన బ్యాచిలర్ లైఫ్ కి స్వస్తి చెప్పబోతున్నాడు. శర్వానంద్ త్వరలో పెళ్లి చేసుకోబోతున్నట్లు ఇటీవలే వార్తలు వచ్చాయి. 

ఆ వార్తలు నిజం కాబోతున్నాయి. అమెరికాలో సాఫ్ట్ వేర్ ఉద్యోగం చేస్తున్న యువతిని శర్వానంద్ పెళ్లి చేసుకోబోతున్నాడు. శర్వానంద్ పెళ్లి చేసుకోబోయే ఆ యువత ఫ్యామిలీ బ్యాగ్రౌండ్ గురించి తెలిస్తే వణుకు తప్పదు. ఆమె కుటుంబ సభ్యులు అంతటి హేమాహేమీలు మరి. శర్వానంద్ పెళ్లి చేసుకోబోయే ఆ యువతి ఎవరు, ఆమె వివరాలు ఏంటి అని తెలుసుకునేందుకు ఫ్యాన్స్ తెగ ఆసక్తి చూపుతున్నారు. ఎట్టకేలకు వారి నిరీక్షణకు తెరపడింది. 

ఆమె పేరు రక్షితారెడ్డి. తెలంగాణ హై కోర్టు న్యాయవాది మధుసూదన్ రెడ్డి కుమార్తె అని సమాచారం. ఆంధ్రప్రదేశ్ మాజీ మంత్రి, దివంగత టీడీపీ నేత బొజ్జల గోపాలకృష్ణారెడ్డికి రక్షిత మనవరాలు అట. రక్షిత ప్రస్తుతం హైదరాబాద్ లోనే ఉంటూ ఉద్యోగం చేస్తోంది అని సన్నిహితులు చెబుతున్నారు. 

ఒక కామన్ ఫ్రెండ్ ద్వారా శర్వానంద్ కి రక్షితతో పరిచయం ఏర్పడిందట. అభిప్రాయాలు కలవడంతో ఫ్రెండ్ షిప్ మొదలుపెట్టి ప్రేమికులుగా మారారు. వెంటనే కుటుంబ సభ్యులు కూడా వీరి పెళ్ళికి పచ్చ జెండా ఊపారు. మొత్తానికి శర్వానంద్ బలమైన బ్యాగ్రౌండ్ ఉన్న అమ్మాయినే పెళ్లి చేసుకోబోతున్నాడు. జనవరి 26న వీరిద్దరి నిశ్చితార్థం జరుగనున్నట్లు వార్తలు వస్తున్నాయి. 

హీరోలు పొలిటికల్ బ్యాగ్రౌండ్ ఉన్న అమ్మాయిలని పెళ్లి చేసుకోవడం ఇది కొత్తేమి కాదు. అల్లు అర్జున్ సతీమణి స్నేహారెడ్డి కూడా తెలంగాణ పొలిటీషియన్ కుమార్తె కావడం విశేషం. కొన్ని వారాల క్రితం శర్వానంద్ బాలయ్య అన్ స్టాపబుల్ షోకి అతిథిగా హాజరైన సంగతి తెలిసిందే. ఈ షోలో బాలయ్య శర్వాని పెళ్ళెప్పుడు అని ప్రశ్నించగా.. ప్రభాస్ పెళ్లి తర్వాత అని సరదాగా బదులిచ్చాడు. 

అయితే ప్రభాస్ కి కూడా అన్ స్టాపబుల్ లో ఇదే ప్రశ్న ఎదురైంది. ప్రభాస్ పెళ్లి ఈ ఏడాదే ఉండబోతున్నట్లు రాంచరణ్, గోపీచంద్ ఈ షోలో హింట్ ఇచ్చారు. ఏది ఏమైనా ఈ ఏడాది టాలీవుడ్ లో చాలా మంది బ్యాచిలర్ హీరోలు పెళ్లిపీటలు ఎక్కబోతున్నట్లు తెలుస్తోంది. ఇదిలా ఉండగా శర్వానంద్ చివరగా ఒకే ఒక జీవితం అనే టైం ట్రావెల్ చిత్రంలో నటించాడు. ఈ చిత్రం మంచి విజయం సాధించింది.