‘బిగ్ బాస్’ బ్యూటీ అషురెడ్డి (Ashu Reddy) తొలిసారిగా నిండు తెలుగుదనంతో దర్శనమిచ్చింది. పట్టుచీరలో మెరిసిపోతూ నెటిజన్లను మంత్రముగ్ధులను చేస్తోంది. ఒక్కసారిగా డివోటీగా మారిపోయి ఆధ్యాత్మికతను చాటుతోంది.
ఎప్పుడూ రెచ్చిపోయి అందాలను విందు చేసే అషు రెడ్డి.. తాజాగా నిండు వస్త్రాల్లో అచ్చమైన తెలుగమ్మాయి అందాలను విందు చేసింది. పట్టుచీరలో మెరిసిపోతూ నెటిజన్లను ఆకర్షిస్తోంది. అషురెడ్డి రెడ్డి శారీలో ఈ తరహాలో కనిపించడం తొలిసారే అని చెప్పాలి.
అయితే అషురెడ్డి ఇంట్లో నిన్న శుక్రవారం వరలక్ష్మి వత్రం చేశారు. ఈ సందర్భంగా ‘బిగ్ బాస్’ బ్యూటీ ఆధ్యాత్మికతను చాటుకుంది. ఎరుపురంగు పట్టుచీరలో నిండు తెలుగుదనంతో దర్శనమిచ్చింది. ఈ సందర్భంగా ఫొటోలకు కూడా పోజులిచ్చింది. ఆ ఫొటోలను తన అభిమానులతో పంచుకుంది.
పొట్టి డ్రెస్ లో హాట్ నెస్ పెంచుతూ సెగలు రేపే అషురెడ్డి ఇలా సంప్రదాయ దుస్తుల్లో మెరిసే సరికి నెటిజన్లు, అషు ఫాలోవర్స్ ఒక్కసారిగా షాక్ అవుతున్నారు. మరోవైపు సంప్రదాయ దుస్తుల్లో అషురెడ్డి ఎంతో అందంగా ఉందంటూ కామెంట్లు పెడుతున్నారు.
అప్పట్లో కొంత మంది అషురెడ్డి గ్లామర్ షో, డ్రెస్సింగ్ పై పలు విధాలా కామెంట్లు చేసిన వారు ట్రెడిషనల్ లుక్ లో అషురెడ్డిని చూడటంతో ఆమె అందానికి మంత్రముగ్ధులవుతున్నారు. మున్ముందూ ఇలాగే కనిపించాలని కోరుకుంటున్నారు. మరికొందరు అషురెడ్డి ట్రెండీ వేర్స్ లో కంటే చీరకట్టులోనే చాలా అందంగా ఉందంటున్నారు.
డబ్ స్మాష్ వీడియోస్ తో గుర్తింపు తెచ్చుకున్న ఈ బ్యూటీ.. కింగ్, అక్కినేని నాగార్జున హోస్ట్ గా వ్యవహరిస్తున్న ‘బిగ్ బాస్ తెలుగు’ (Bigg Boss Telugu) సీజన్ 3తో టెలివిజన్ ఆడియెన్స్ కు దగ్గరైంది. హౌజ్ లో ఈ బ్యూటీ చేసిన హంగామాకు మరింత ఫిదా అయ్యారు. అప్పటి నుంచి అషురెడ్డి తన క్రేజ్ పెంచుకుంటూనే ఉంటోంది.
ఇటీవల ‘బిగ్ బాస్ తెలుగు నాన్ స్టాప్’లోకీ ఎంట్రీ ఇచ్చిన విషయం తెలిసిందే. అటు ఆర్జీవీతోనూ బోల్డ్ ఇంటర్వ్యూలో పాల్గొన్న ఈ బ్యూటీ యూత్ లో క్రేజీ ఫాలోయింగ్ ను దక్కించుకుంది. ప్రస్తుతం ఆయా టీవీ షోల్లో మెరిసిన ఈ బ్యూటీ.. వెండితెరపై మెరవాలని ప్రయత్నిస్తోంది. ‘ఫోకస్’అనే ఓ క్రైమ్ థ్రిల్లర్ లో లేడీ పోలీస్ ఆఫీసర్ గా నటిస్తోంది.