మలయాళ యంగ్ బ్యూటీ ప్రియా వారియర్ సోషల్ మీడియాలో రోజుకోతీరు దర్శనమిస్తోంది. నయా లుక్స్ లో ఆకట్టుకుంటోంది. తాజాగా చీరకట్టులో మెరిసింది. బ్యూటీఫుల్ లుక్ తో కట్టిపడేసింది.
మలయాళీ ముద్దుగుమ్మ ప్రియా ప్రకాష్ వారియర్ (Priya Prakash Varrier) ‘ఒరు అదార్ లవ్’ చిత్రంతో మంచి పాపులారిటీని దక్కించుకుంది. ఈ చిత్రంలోని కన్ను గీటే వీడియోతో ఓవర్ నైట్ లో స్టార్ డమ్ దక్కించుకుంది. ఫలితం మంచి ఆఫర్లు అందుకుంది.
ఈ ముద్దుగుమ్మ తెలుగు ప్రేక్షకులను కూడా అలరించింది. ‘చెక్’, ‘ఇష్క్ : నాట్ ఏ లవ్ స్టోరీ’ చిత్రంతో టాలీవుడ్ లో సందడి చేసింది. కానీ ఈ చిత్రాలు పెద్దగా ఆకట్టుకోలేకపోయాయి. దాంతో మళ్లీ మలయాళంలోనే సినిమాలు చేస్తూ వస్తోంది.
రీసెంట్ గా పవన్ కళ్యాణ్ - సాయి ధరమ్ తేజ్ కలిసి నటించిన Bro The Avatar లో కీలక పాత్ర పోషించింది. తేజూ చెల్లెలిగా అలరించింది. ప్రస్తుతం ఈ ముద్దుగుమ్మ నటిస్తున్న చిత్రాలన్నీ బాలీవుడ్ లోనే ఉండటం విశేషం.
‘యారియాన్ 2’ చిత్రంతో హిందీలోకి ఎంట్రీ ఇవ్వనుంది. ఈ చిత్ర దాదాపు పూర్తి కావచ్చిందని తెలుస్తోంది. త్వరలోనే ఈ ముద్దుగుమ్మ నార్త్ ఆడియెన్స్ కు కూడా పరిచయం కానుంది. ఇప్పటికే బాలీవుడ్ లో మరో మూడు ప్రాజెక్ట్స్ లోనూ నటిస్తోంది.
ఈ క్రమంలో ప్రియా వారియర్ సోషల్ మీడియాలోనూ నిత్యం యాక్టివ్ గా కనిపిస్తోంది. వరుస పోస్టులతో తన అభిమానులను, నెటిజన్లను ఆకట్టుకుంటోంది. మరోవైపు బ్యూటీఫుల్ ఫొటోషూట్లతోనూ అదరగొడుతోంది. తాజాగా ఈ ముద్దుగుమ్మ ఓ వీడియోను పంచుకుంది.
బ్లూ శారీ, నిండైన బ్లౌజ్ లో సంప్రదాయంగా మెరిసింది. నుదిట సింధూరం, కురులను కొప్పుగా మలిచి తెలుగు మహిళగా మెరిసింది. ఆకర్షించే లుక్ తో పాటు సూర్యకిరణాలు ముద్దాడే అందంతో కట్టిపడేసింది. చీరకట్టులో హోయలు పోతూ ఆకట్టుకుంది. ఎప్పుడూ ట్రెండీ అవుట్ ఫిట్లలో మెరిసే ఈ ముద్దుగుమ్మ చీరకట్టులో ఇలా దర్శనమివ్వడంతో ఫ్యాన్స్ ఫిదా అవుతున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి