మా మధ్య గ్యాప్ వాళ్ళ పుణ్యమే... పవన్ తో విభేదాలపై నోరు విప్పిన నటుడు అలీ!
First Published Dec 20, 2022, 3:54 PM IST
పవన్ కళ్యాణ్ తో విబేధాలు తలెత్తాయని ప్రచారం అవుతుండగా అలీ క్లారిటీ ఇచ్చారు. ఆయన కూతురు వివాహానికి పవన్ ఎందుకు హాజరు కాలేదో చెప్పారు.
పవన్ కళ్యాణ్ తో విబేధాలు తలెత్తాయని ప్రచారం అవుతుండగా అలీ క్లారిటీ ఇచ్చారు. ఆయన కూతురు వివాహానికి పవన్ ఎందుకు హాజరు కాలేదో చెప్పారు.
పవన్ కళ్యాణ్ కి పరిశ్రమలో ఉన్న అత్యంత సన్నిహితుల్లో అలీ ఒకరు. దశాబ్దాలుగా వీరి ప్రయాణం సాగుతుంది. ఆఫ్ స్క్రీన్ అండ్ ఆన్ స్క్రీన్ లో వీరి స్నేహం కొనసాగుతుంది. పవన్ కళ్యాణ్ ప్రతి సినిమాలో అలీ ఉండాల్సిందే. దర్శకులు కూడా ఆయన సినిమాల్లో అలీకి ప్రత్యేకంగా పాత్రలు రాస్తారు.
తొలిప్రేమ, బద్రి, ఖుషి, గబ్బర్ సింగ్ వంటి చిత్రాల్లో పవన్-అలీ కాంబినేషన్ సీన్స్ అబ్బురపరుస్తాయి. సెంటిమెంట్ బ్రేక్ చేస్తూ అజ్ఞాతవాసి మూవీలో అలీ నటించలేదు. దీంతో కారణమేంటని మీడియా తెలుసుకునే ప్రయత్నం చేసింది. కాల్షీట్స్ కుదరకే ఆ చిత్రంలో నటించలేదని అలీ వెల్లడించారు.
2014లో పవన్(Pawan Kalyan) జనసేన పార్టీ స్థాపించారు. మిత్రుడు అయినప్పటికీ అలీ జనసేన పార్టీలో చేరలేదు. కనీసం తన మద్దతు ప్రకటించలేదు. కాగా 2019 ఎన్నికలకు ముందు అలీ వైఎస్సార్సీపీ పార్టీలో చేరారు. ఆ పార్టీ తరపున ఎన్నికల ప్రచారం చేశారు.
ఈ క్రమంలో మిత్రులు కూడా మోసం చేస్తున్నారని అలీని ఉద్దేశిస్తూ పవన్ విమర్శలు గుప్పించారు. పవన్ వ్యాఖ్యలకు అలీ కౌంటర్ వేశారు. పరిశ్రమలో ఎవరి సప్పోర్ట్ లేకుండా ఎదిగాను, కొనసాగుతున్నాను. నాకు ఎవరు ఎలాంటి సహాయం చేయలేదని చెప్పే ప్రయత్నం చేశారు.
అయితే నేరుగా ఒకరిని మరొకరు విమర్సించుకున్నది లేదు. రాజకీయంగా విరుద్ధమైన పార్టీల్లో కొనసాగుతున్న పవన్-అలీ మధ్య మనస్పర్థలు తలెత్తాయి. ప్రస్తుతం ఎవరి దారి వారిదే అన్న ప్రచారం జరుగుతుంది. 2019 ఎన్నికల్లో గెలిచి వైఎస్ జగన్ గవర్నమెంట్ ఏర్పాటు చేశారు. ఆయన వద్ద అలీకి మంచి ప్రాధాన్యత దక్కింది. ఇటీవల ఏపీ ప్రభుత్వం ఎలక్ట్రానిక్ మీడియా సలహాదారుగా నియమించారు.
ఇటీవల అలీ(Ali) కూతురు వివాహం జరిగింది. ఈ వేడుకకు చిరంజీవితో సహా చిత్ర ప్రముఖులు అందరూ హాజరయ్యారు. కానీ పవన్ రాలేదు. దీంతో అలీతో పవన్ కి గొడవలు నిజమే అంటూ ప్రచారం మరింతగా ఊపందుకుంది. ఈ పుకార్లకు, ఊహాగానాలకు అలీ స్వయంగా క్లారిటీ ఇచ్చారు.
ఆలీతో సరదాగా షోలో పాల్గొన్న అలీ మాట్లాడుతూ... పవన్ నాకు ఎలాంటి విబేధాలు లేవు. మా అమ్మాయి పెళ్ళికి ఆహ్వానించేందుకు పవన్ ని కలిశాను. ఆయనతో 15 నిమిషాలు సరదాగా మాట్లాడాను. పెళ్లి రోజు పవన్ ఫ్లయిట్ మిస్ అయ్యారు. ఆ కారణంగా పెళ్ళికి హాజరుకాలేదు. కేవలం మీడియా రాతల వలన ఆయనతో నాకు గ్యాప్ వచ్చిందన్న ప్రచారం మొదలైందని, అలీ చెప్పుకొచ్చారు.