బోయపాటి ఆటలు సాగడం లేదా..?

రామ్ చరణ్ హీరోగా దర్శకుడు బోయపాటి 'వినయ విధేయ రామ' అనే సినిమాను రూపొందిస్తోన్న సంగతి తెలిసిందే. అయితే ఈ సినిమా విషయంలో మెగాఫ్యామిలీ కానీ రామ్ చరణ్ కానీ బోయపాటి ఆటలు సాగనివ్వడం లేదని తెలుస్తోంది.

ముఖ్యంగా సినిమా ప్రమోషన్స్ విషయంలో బోయపాటి స్ట్రాటజీలు ఫాలో అవ్వకుండా తనకు నచ్చినట్లుగానే చరణ్ ప్లాన్ చేస్తున్నాడని సమాచారం. 'జయ జానకి నాయక' సినిమా విషయంలో బోయపాటి మాస్ సినిమాని క్లాస్ మార్కెటింగ్ తో ప్రమోట్ చేశాడు. ఈ సినిమా విషయంలో కూడా అదే చేయాలనుకున్నాడు.

దానికి చరణ్ అంగీకరించలేదు. ఇది మాస్ సినిమా కాబట్టి జనాలు అదే ఫీలింగ్ తో సినిమాకి రావాలని చరణ్ భావిస్తున్నాడు. మార్కెటింగ్ విషయంలో బోయపాటి మాటలు వినడం లేదట. ఫస్ట్ లుక్ విషయంలో బోయపాటి పంచెకట్టుతో సంప్రదాయపు లుక్ రిలీజ్ చేద్దామంటే చరణ్ మాత్రం మాస్ లుక్ వైపే మక్కువ చూపాడు.

అలానే టీజర్ లో కూడా ఎమోషన్ యాడ్ చేయాలని బోయపాటి చూస్తే అది కాదని హీరోయిజం మాత్రమే ఉండేలా చూసుకున్నాడు. ఎమోషన్స్ తో కూడిన క్లాస్ ఫిలిం అని భావించి జనాలు థియేటర్ కి వచ్చి నిరాశ చెందకుండా చరణ్ ముందు నుండే ఇది మాస్ ఫిలిం అని తెలియాలని జాగ్రత్తలు తీసుకుంటున్నాడు. 

ఇవి కూడా చదవండి..