క్రేజీ బజ్... సొర చేపతో తలపడనున్న ఎన్టీఆర్? సినిమాకే హైలెట్ గా!
By Sambi Reddy | First Published Aug 8, 2023, 7:25 AM IST
ఎన్టీఆర్ లేటెస్ట్ మూవీ దేవరపై ఓ క్రేజీ బజ్ వినిపిస్తుంది. ఈ మూవీలో ఎన్టీఆర్ సొర చేపతో పోరాడే భారీ యాక్షన్ సీక్వెన్స్ ఉందంటున్నారు.
ఎన్టీఆర్-కొరటాల శివ కాంబోలో తెరకెక్కుతున్న బారి యాక్షన్ ఎంటర్టైనర్ దేవర. గతంలో జనతా గ్యారేజ్ మూవీతో హిట్ కొట్టిన వీరిద్దరూ మరోసారి చేతులు కలిపారు. దేవర చిత్రంపై భారీ అంచనాలు ఉన్నాయి. ఈ చిత్ర ఒక్కో అప్డేట్ హైప్ పెంచేస్తుంది. ఎన్టీఆర్ జన్మదినం పురస్కరించుకుని విడుదల చేసిన ఫస్ట్ లుక్ ఆకట్టుకుంది. ఫ్యాన్స్ ఫిదా అయ్యారు. ఎన్టీఆర్ రా అండ్ రస్టిక్ లుక్ లో మైండ్ బ్లాక్ చేశాడు.
ఇక విడుదలకు సమయం తక్కువే ఉంది. అందుకే వరుస షెడ్యూల్స్ తో నిరవధికంగా షూటింగ్ పూర్తి చేస్తున్నారు. మార్చిలో షూటింగ్ ప్రారంభం కాగా వరుస షెడ్యూల్స్ ప్లాన్ చేశారు. తాజాగా ఈ మూవీ గురించి వినిపిస్తున్న ఓ న్యూస్ టాలీవుడ్ వర్గాలను షేక్ చేస్తుంది. దేవర మూవీలో ఎన్టీఆర్ సొరచేపతో తలపడతాడట. సముద్రంలో ఎన్టీఆర్-షార్క్ మధ్య ఓ యాక్షన్ సీక్వెన్స్ ప్లాన్ చేశాడట కొరటాల శివ. ఈ ఫైట్ సినిమాకే హైలెట్ కానుందట. ఎన్టీఆర్ జాలరి రోల్ చేస్తున్నారని న్యూస్ వినిపిస్తుండగా చేపల వేట సమయంలో ఈ యాక్షన్ ఎపిసోడ్ వస్తుందట.
Latest buzz is that will have an action sequence between Shark🦈 and .
This is said to be the biggest HIGHLIGHT of the movie.
TARAQUAMAN pic.twitter.com/oKj3U4Sfbe
Latest Videos
undefined
గతంలో రాజమౌళి ఛత్రపతి సినిమాలో షార్క్ తో ఫైట్ సీన్ రూపొందించడం జరిగింది. ప్రభాస్, షార్క్ లలో ఎవరు బ్రతుకుతారో బయట పందాలు కాసుకోవడం ఛత్రపతి చిత్ర హైలెట్స్ లో ఒకటిగా నిలిచింది. దేవర భారీ బడ్జెట్ మూవీ కాగా అంతకు మించి రియలిస్టిక్ గా సొర చేపతో పోరాట సన్నివేశం రూపొందించారని అంటున్నారు. దీనిపై అధికారిక సమాచారం లేకున్నప్పటికీ ప్రముఖంగా వినిపిస్తోంది.
దేవర దాదాపు రూ. 300 కోట్ల బడ్జెట్ తో తెరకెక్కిస్తున్నారు. శ్రీదేవి కూతురు జాన్వీ కపూర్ హీరోయిన్ గా నటిస్తుంది. ఆమెకు ఇదే ఫస్ట్ సౌత్ మూవీ. ఇక సైఫ్ అలీ ఖాన్ విలన్ రోల్ చేస్తున్నారు. అనిరుధ్ సంగీతం అందిస్తున్నారు. 2024 ఏప్రిల్ 5న దేవర విడుదల కానుంది. ఆర్ ఆర్ ఆర్ తర్వాత ఎన్టీఆర్ నుండి వస్తున్న మూవీ దేవర.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి