జగన్ కేసు: పోలీసుల అదుపులో నిందితుడు శ్రీనివాస్ స్నేహితుడు, బంధువు

వైసీపీ అధినేత ఏపీ ప్రతిపక్ష నేత వైఎస్ జగన్మోహన్ రెడ్డిపై కత్తితో దాడి కేసు దర్యాప్తును విశాఖ పోలీసులు వేగం పెంచారు. ఇప్పటికే రోజున్నరపాటు నిందితుడు శ్రీనివాస్ ను విచారించి న్యాయమూర్తి ఎదుట ప్రవేశపెట్టిన పోలీసులు లేఖపై దృష్టి సారించారు.

విశాఖపట్నం: వైసీపీ అధినేత ఏపీ ప్రతిపక్ష నేత వైఎస్ జగన్మోహన్ రెడ్డిపై కత్తితో దాడి కేసు దర్యాప్తును విశాఖ పోలీసులు వేగం పెంచారు. ఇప్పటికే రోజున్నరపాటు నిందితుడు శ్రీనివాస్ ను విచారించి న్యాయమూర్తి ఎదుట ప్రవేశపెట్టిన పోలీసులు లేఖపై దృష్టి సారించారు. 

శుక్రవారం ఉదయం నిందితుడు శ్రీనివాస్ ఇంటికి కేంద్రదర్యాప్తు బృందం, విశాఖ పోలీసులు బృందం వెళ్లింది. శ్రీనివాస్ వ్యక్తిగత జీవితం, స్నేహితులపై ఆరా తీసింది. అలాగే శ్రీనివాస్ ఎవరెవరితో ఉంటారు అన్న విషయంపై ఆరా తీసింది. అందులో భాగంగా చైతన్య అనే యువకుడిని విశాఖపట్నం పోలీసులు అదుపులోకి తీసుకున్నారు. 

చైతన్యది ముమ్మిడివరం మండలం ఠానేలంక గ్రామం. అలాగే శ్రీనివాస్ బంధువు వరుసకు సోదరి అయిన విజయదుర్గను సైతం పోలీసులు అదుపులోకి తీసుకున్నారు. విజయదుర్గ నిందితుడు శ్రీనివాస్ జేబులో దొరికిన లేఖలో 9 పేజీలు ఆమె రాసినట్లు నిందితుడు విచారణలో తెలిపాడు. ఈ నేపథ్యంలో విజయదుర్గను పోలీసులు అదుపులోకి తీసుకున్నారు. 
విజయదుర్గ, చైతన్యలను పోలీసులు విచారణ నిమిత్తం విశాఖపట్నంకు తరలించారు. ఇప్పటికే ఒక పేజీ లేఖ రాసిన విశాఖ ఎయిర్ పోర్ట్ లోని రెస్టారెంట్ లో పనిచేసే అటెండర్ రేవతిపతిని పోలీసులు విచారిస్తున్నారు.  

ఈ వార్తలు కూడా చదవండి