ఫర్నీచర్ తీసుకున్నా, అప్పగిస్తా: హైకోర్టును ఆశ్రయించిన కోడెల

ఏపీ అసెంబ్లీ మాజీ స్పీకర్ కోడెల శివప్రసాదరావు సోమవారం నాడు హైకోర్టును ఆశ్రయించారు. ఫర్నీచర్ విషయమై ఆయన కోర్టుకు వెళ్లారు. 

అమరావతి: ఆంధ్రప్రదేశ్ మాజీ అసెంబ్లీ స్పీకర్  కోడెల శివప్రసాదరావు సోమవారం నాడు హైకోర్టును  ఆశ్రయించారు. అసెంబ్లీ ఫర్నీచర్ ను అప్పగించేందుకు అనుమతి ఇవ్వాలని పిటిషన్ దాఖలు చేశారు.

స్పీకర్ గా ఉన్న సమయంలో  హైద్రాబాద్ నుండి ఫర్నీచర్ ను అమరావతికి తరలించే సమయంలో కొంత ఫర్నీచర్ ను తన క్యాంప్ కార్యాలయంలో ఏర్పాటు చేసుకొన్నట్టుగా  కోడెల శివప్రసాదరావు ఒప్పుకొన్నారు.

 ఫర్నీచర్ ను దారి మళ్లించారని అసెంబ్లీ సెక్షన్ ఆఫీసర్ ఈశ్వరరావు ఫిర్యాదు మేరకు ఈ నెల 23వ తేదీన తుళ్లూరు పోలీస్ స్టేషన్ లో కోడెల శివప్రసాదరావుతో పాటు ఆయన తనయుడు శివరామ్ పై కేసు నమోదైంది. 

 ఫర్నీచర్ అసెంబ్లీకి అప్పగించేందుకు తాను సిద్దంగా ఉన్నానని కోడెల శివప్రసాదరావు సోమవారం నాడు హైకోర్టులో పిటిషన్ దాఖలు చేశారు.ఈ పిటిషన్ ను  విచారణకు స్వీకరించింది కోర్టు. ఈ పిటిషన్ పై మంగళవారం నాడు విచారణ జరగనుంది.

ఈ ఫర్నీచర్  కోడెల తనయకుడు శివరామ్ నడిపే బైక్ షోరూమ్ లో ఉన్నాయి.ఈ నెల 23వ తేదీన అసెంబ్లీ అధికారులు ఈ షోరూమ్  లో తనిఖీలు చేశారు. 

సంబంధిత వార్తలు