పరిటాల రవిని భౌతికంగా హత్య చేస్తే, కోడెలను మానసికంగా చంపారు: దేవినేని ఉమా

వైయస్ఆర్ కాంగ్రెస్ ప్రభుత్వ వేధింపులు వల్లే కోడెల శివప్రసాదరావు ఆత్మహత్యకు పాల్పడ్డారని ఆరోపించారు. కోడెల మరణానికి వైసీపీ ప్రభుత్వమే కారణమన్నారు. గతంలో పరిటాల రవీంద్రను భౌతికంగా హత్య చేస్తే కోడెల శివప్రసాదరావును మానసికంగా వేధించి చంపారని ఆరోపించారు.   

హైదరాబాద్: వైసీపీ ప్రభుత్వ వేధింపుల వల్ల తాము గొప్ప నాయకుడిని కోల్పోయామన్నారు మాజీమంత్రి దేవినేని ఉమా మహేశ్వరరావు. కోడెల ఆత్మహత్య చేసుకోవడం చాలా దురదృష్టకరమన్నారు. ఆయన ఆత్మకు శాంతి చేకూరాలన్నారు. 

ఈ సందర్భంగా వైసీపీ ప్రభుత్వంపై తీవ్ర వ్యాఖ్యలు చేశారు. వైయస్ఆర్ కాంగ్రెస్ ప్రభుత్వ వేధింపులు వల్లే కోడెల శివప్రసాదరావు ఆత్మహత్యకు పాల్పడ్డారని ఆరోపించారు. కోడెల మరణానికి వైసీపీ ప్రభుత్వమే కారణమన్నారు. గతంలో పరిటాల రవీంద్రను భౌతికంగా హత్య చేస్తే కోడెల శివప్రసాదరావును మానసికంగా వేధించి చంపారని ఆరోపించారు. 

కోడెలపై వైసీపీ ప్రభుత్వం రాజకీయ కక్షసాధింపు చర్యలు చేపట్టిందని ఆరోపించారు. కోడెలతో పాటు ఆయన కుటుంబ సభ్యులపై కూడా కేసులు పెట్టించారని మండిపడ్డారు. కోడెల  మరణించిన తరువాత కూడా కొంతమంది మంత్రులు కేసులు పెట్టిస్తున్నారంటూ కీలక వ్యాఖ్యలు చేశారు. స్పీకర్ ఆఫీసు నుంచే కేసులు పెట్టించారంటూ ఆగ్రహం వ్యక్తం చేశారు. 

కోడెల పల్నాడులో ఎన్నో బాంబు దాడులు తట్టుకున్నారని అలాంటి వ్యక్తి ప్రభుత్వ వేధింపులను తట్టుకోలేకపోయారంటూ ఆగ్రహం వ్యక్తం చేశారు. కోడెల చనిపోయిన తర్వాత కూడా వైసీపీ మంత్రులు చేస్తున్న విమర్శలు అత్యంత దురదృష్టకరమన్నారు. 

కోడెల శివప్రసాదరావును బసవతారకం ఆస్పత్రికి తీసుకెళ్లడాన్ని కూడా రాజకీయం చేస్తారా అంటూ మండిపడ్డారు. కోడెల కుటుంబ సభ్యుల ఉసురు వైసీపీ ప్రభుత్వానికి తప్పక తగులుతుందని దేవినేని ఉమా మహేశ్వరరావు శాపనార్థాలు పెట్టారు. 

ఈ వార్తలు కూడా చదవండి