జగన్ పై దాడి.. కీలకంగా మారనున్న జగన్ షర్ట్

 ఆ దాడి జరిగినప్పుడు ఆయన ధరించిన షర్ట్ ఇప్పుడు ఈ కేసులో కీలకంగా మారనుంది.

విశాఖ ఎయిర్ పోర్టులో ఏపీ ప్రతిపక్ష నేత జగన్ పై దాడి జరిగిన సంగతి తెలిసిందే. అయితే.. ఆ దాడి జరిగినప్పుడు ఆయన ధరించిన షర్ట్ ఇప్పుడు ఈ కేసులో కీలకంగా మారనుంది. జగన్ ధరించిన షర్ట్ ని స్వాధీనం చేసుకునే అవకాశం కల్పించాలని విశాఖ న్యాయస్థానంలో పిటిషన్‌ దాఖలు చేసినట్లు విశాఖ పశ్చిమ ఏసీపీ ఎల్‌.అర్జున్‌ పేర్కొన్నారు. 

బుధవారం రాత్రి ఆయన ఎయిర్‌పోర్ట్‌ పోలీసుస్టేషన్లో విలేకరులతో మాట్లాడారు. హత్యాయత్నం జరిగినప్పుడు ధరించిన షర్ట్ కి రక్తం అంటడంతో జగన్‌ దాన్ని మార్చుకుని, మరొకటి వేసుకుని విశాఖ నుంచి హైదరాబాద్‌ వెళ్లారని తెలిపారు. 

నిందితుడు శ్రీనివాసరావు సెల్‌ఫోన్ల కాల్‌ డేటాను విశ్లేషించామని, 321 మందితో ఎక్కువసార్లు మాట్లాడినట్లు గుర్తించామని తెలిపారు. మధ్యప్రదేశ్‌లో ఉంటున్న శ్రీనివాసరావు స్నేహితుడు కూడా విశాఖ వచ్చాడని అతని నుంచీ సమాచారం రాబడుతున్నట్లు ఆయన పేర్కొన్నారు.

read more news