మండలి రద్దుకు జగన్ కసరత్తు: అసెంబ్లీలో తీర్మానం?

ఏపీ రాష్ట్ర శాసనమండలిని రద్దు చేసేందుకు ప్రభుత్వం కసరత్తు చేస్తోందనే ప్రచారం సాగుతోంది. 

అమరావతి: ఆంధ్రప్రదేశ్ శాసనమండలిని రద్దు చేసే చేసేందుకు ప్రభుత్వం కసరత్తు చేస్తోందనే ప్రచారం సాగుతోంది. ఈ మేరకు తీర్మానాన్ని సిద్దం చేసిందని సమాచారం. 

శాసనమండలిలో ఇవాళ చోటు చేసుకొన్న పరిణామాల నేపథ్యంలో  తీర్మానాన్ని  ఏపీ అసెంబ్లీలో ప్రవేశ పెట్టాలని  సర్కార్ భావిస్తోంది. ఈ విషయమై ఇంకా స్పష్టత రావాల్సి ఉంది. ఇదిలా ఉంటే  శాసనమండలిని రద్దు చేయడం అంత సులభం కాదని పవన్  టీడీపీ సభ్యుడు యనమల రామకృష్ణుడు చెప్పారు.

శాసనమండలిలో  టీడీపీకి 29 మంది సభ్యులు ఉన్నారు. వైసీపీకి 9 మంది సభ్యులు ఉన్నారు. పీడీఎప్ కు  ఆరుగురు సభ్యులు, బీజేపీకి ఇద్దరు సభ్యులు ఉన్నారు. మూడు స్థానాలు ఖాళీగా ఉన్నాయి. టీడీపీకి చెందిన ఎమ్మెల్సీ డొక్కా మాణిక్యవరప్రసాద్ మంగళవారం నాడు తన పదవికి రాజీనామా చేశారు. 

టీడీపీకి శాసనమండలిలో మెజారిటీ ఉంది.  ఇవాళ శాసనమండలిలో   పాలనా వికేంద్రీకరణ బిల్లును ప్రభుత్వం ప్రవేశపెట్టారు అయితే ఈ బిల్లు కంటే ముందే టీడీపీ సభ్యులు 71 రూల్ కింద నోటీసు ఇచ్చారు. 

ఈ నోటీసుపై చర్చకు శాసనమండలి ఛైర్మెన్  ఎంఏ షరీఫ్ అనుమతి ఇచ్చారు. పాలనా వీకేంద్రీకరణ బిల్లుపై చర్చను అనుమతి ఇవ్వాలని  ప్రభుత్వం కోరింది.  ఈ విషయమై మంత్రి బొత్స సత్యనారాయణ  మండలి ఛైర్మెన్ ఎంఏ షరీఫ్‌పై తీవ్ర వ్యాఖ్యలు చేశారు. ఈ వ్యాఖ్యలపై మండలి ఛైర్మెన్ స్పందించారు.

మండలిని రద్దు చేసే తీర్మానాన్ని ఏపీ సర్కార్ రెడీ చేసింది.  ఈ తీర్మానాన్ని ఏపీ అసెంబ్లీలో  వైసీపీ ప్రభుత్వం ప్రవేశపెట్టాలని భావిస్తోంది.ఈ విషయమై మంత్రివర్గం సమావేశాన్ని ఏర్పాటు చేసి  శాసనమండలిని రద్దు విషయమై కేబినెట్ గ్రీన్ సిగ్నల్ ఇవ్వనుంది. ఈ విషయమై వైసీపీ నాయకత్వం చర్చిస్తుంది. 

ఇదిలా ఉంటే  శాసనమండలిని రద్దు చేయడం అంత సులభం కాదని  టీడీపీ ఎమ్మెల్సీ యనమల రామకృష్ణుడు  చెప్పారు. శాసనమండలిని రద్దు చేసే విషయమై  ఇంకా స్పష్టత రావాల్సి ఉంది.