ఇజ్రాయెల్, పాలస్తినా యుద్దంలో మరో హృదయవిధారక సంఘటన చోటుచేసుకుంది. పాలస్తినా శరణార్థుల శిబిరాలపై ఇజ్రాయెల్ జరిపిన దాడుల్లో అభంశుభం తెలియని చిన్నారులు, మహిళలు ప్రాణాలు కోల్పోయారు. 

Israel Palestine War: హమాస్, ఇజ్రాయెల్ మధ్య 11వ రోజు యుద్ధం కొనసాగుతోంది. ఈ క్రమంలో మంగళవారం రాత్రి 10:30 గంటలకు గాజా స్ట్రిప్‌లోని అల్ అహ్లీ ఆసుపత్రిపై ఇజ్రాయెల్ వైమానిక దాడి చేసిందని, అందులో 500 మంది మరణించారని హమాస్ పేర్కొంది. ఈ దాడి నిర్ధారణ అయితే.. ఇది 2008 తర్వాత ఇజ్రాయెల్ వైమానిక దాడిలో అత్యంత ఘోరమైన దాడి అవుతుంది.

ఏషియానెట్ సువర్ణ న్యూస్ ఎడిటర్ అజిత్ హనమక్కనవర్ యుద్ధ భూమి ఇజ్రాయెల్ నుంచి అక్కడి ప్రజల పరిస్థితులను మనకు వివరిస్తున్నారు. ఆయన గాజా సరిహద్దుకు సమీపంలోని ఇజ్రాయెల్ నగరం స్దెరాట్‌కు వెళ్లారు. ఈ నగరం నుంచి ఇజ్రాయేలీలను సురక్షిత ప్రాంతాలకు తరలించగా అక్కడ ఇప్పుడు కేవలం 5000 మంది ఇజ్రాయెలీలు మాత్రమే ఉన్నారు. ఈ కల్లోలిత ప్రాంతంలో ఇజ్రాయెల్ ఆర్మీ క్రియాశీలకంగా ఉన్నది.