హైద్రాబాద్ విద్యుత్ సౌధ వద్ద ఉద్యోగుల ధర్నా: కిలోమీటర్ల మేర ట్రాఫిక్ జాం
హైద్రాబాద్ నగరంలోని సోమాజీగూడ విద్యుత్ సౌధ వద్ద ఉద్యోగుల ఆందోళనతో ట్రాఫక్ జాం నెలకొంది.
 )
Followహైదరాబాద్: నగరంలోని సోమాజీగూడ విద్యుత్ సౌధ వద్ద టీఎస్‌పీఈజేఏసీ ఉద్యోగులు శుక్రవారంనాడు ధర్నా నిర్వహించారు. ఈ ధర్నాతో ట్రాఫిక్ కు తీవ్ర అంతరాయం ఏర్పడింది. వేతన సవరణ, ఆర్జిజెన్ కార్మికుల సమస్యలపై మహా ధర్నా నిర్వహించారు.
రాష్ట్ర వ్యాప్తంగా పలు జిల్లాల నుండి పెద్ద ఎత్తున కార్మికులు విద్యుత్ సౌధ వద్దకు వచ్చి ధర్నాలో పాల్గొన్నారు. దీంతో ఖైరతాబాద్-పంజాగుట్ట మార్గంలో భారీ ఎత్తున వాహనాలు నిలిచిపోయాయి. సుమారు రెండు కిలోమీటర్ల పాటు వాహనాలు రోడ్డుపైనే నిలిచిపోయాయి.
పీఆర్‌సీతో పాటు 29 డిమాండ్లను పరిష్కరించాలని జేఏసీ నేతలు డిమాండ్ చేస్తున్నారు. విద్యుత్ ఉద్యోగుల ఆందోళనల నేపథ్యంలో ఈ మార్గంలో రోడ్లపైనే వాహనాలు నిలిచిపోయాయి. విద్యుత్ ఉద్యోగులు పెద్ద ఎత్తున రావడంతో వారిని నిలువరించడం పోలీసులకు కష్టంగా మారింది. ఒక దశలో ఉద్రిక్తత నెలకొంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
