వచ్చే ఐదేళ్లు కీలకం.. తెలంగాణను బలోపేతం చేయగల సత్తా బీఆర్ఎస్ కే ఉంది : హరీశ్ రావు
Harish Rao: ముఖ్యమంత్రి కేసీఆర్ నాయ‌కత్వంలోని బీఆర్ఎస్ హ్యాట్రిక్ విజ‌యం సాధించి మ‌ళ్లీ అధికారంలోకి వ‌స్తుంద‌ని రాష్ట్ర ఆరోగ్య, ఆర్థిక శాఖ మంత్రి హరీశ్ రావు అన్నారు. ఎన్ని పార్టీలు అడ్డంకులు సృష్టించినా త‌మ గెలుపును ఆప‌లేర‌నీ, ఎందుకంటే రాష్ట్రంలో తాము ఎంతో మెరుగైన పాల‌న, ప్ర‌గ‌తిని అందించామ‌ని తెలిపారు.
Telangana Assembly Elections 2023: తెలంగాణ రాజ‌కీయాలు ర‌స‌వ‌త్త‌రంగా మారుతున్నాయి. ఇదే స‌మ‌యంలో జంప్ జిలానీలు పెరుగుతుండ‌టం, నాయకుల మ‌ధ్య మాట‌ల యుద్ధంతో రాష్ట్ర పాలిటిక్స్ హీటెక్కాయి. ఈ క్ర‌మంలోనే తెలంగాణ రాష్ట్రానికి రాబోయే ఐదేళ్లు చాలా కీలకమనీ, రాష్ట్రాన్ని అభివృద్ధి పథంలో నడిపించే శక్తిగా ఆవిర్భవించేందుకు ప్రజలు బీఆర్‌ఎస్‌కు ఓటు వేయడం తప్పనిసరి అని ఆర్థిక, ఆరోగ్య శాఖ మంత్రి త‌న్నీరు హరీశ్‌రావు అన్నారు. నార్సింగి మండలం చిన్న శంకరంపేటలో బుధవారం జరిగిన బీఆర్ఎస్ కార్యకర్తలు, నాయకుల సమావేశంలో హరీశ్‌రావు మాట్లాడుతూ.. తెలంగాణను భారతదేశానికే ఆదర్శ రాష్ట్రంగా తీర్చిదిద్దిన ముఖ్యమంత్రి కె. చంద్రశేఖర్‌రావు (కేసీఆర్) అనీ, ఇతర పార్టీలు ఎన్ని కుయుక్తులు పన్నినా తాము ఢీకొంటామని చెప్పారు.
హ్యాట్రిక్ విజ‌యం సాధించి మ‌రోసారి అధికారం ద‌క్కించుకుంటామ‌నీ, బీఆర్ఎస్ విజ‌యంతో తాము రాష్ట్రాన్ని మరింత అభివృద్ధి చేస్తామ‌ని అన్నారు. ప్రభుత్వాలను ఎలా నడపాలి అనే విషయంలో ప్రపంచానికి ఒక ఉదాహరణగా మార్చగలమ‌ని తెలిపారు. తెలంగాణలో వ్యవసాయం మంచి పంటలతో పండగలా మారిందనీ, ఆరోగ్య సంరక్షణ, రైతు బంధు వంటి ప్రభుత్వ కార్యక్రమాలు మెరుగుపడ్డాయనీ, ప్రతి ఎకరాకు ప్రస్తుతం ఇస్తున్న ఆర్థిక సాయం రూ.10 వేల నుంచి ఏడాదికి రూ.16 వేలకు పెంచుతామని ముఖ్యమంత్రి చెప్పారని రావు తెలిపారు. తాము రైతులకు నిరంతర విద్యుత్ సరఫరా చేస్తున్నామ‌ని పేర్కొన్నారు.
కర్నాటక డిప్యూటీ సీఎం డీకే శివకుమార్‌ ఇటీవల తెలంగాణ పర్యటనలో రైతులకు ఐదు గంటల కరెంట్‌ ఇస్తున్నామని చెప్పారని ఆయన అన్నారు. దీన్నిబట్టి తెలంగాణలో రైతుల కోసం కాంగ్రెస్ పార్టీ చేస్తున్న పథకాలేంటో స్పష్టం చేయాలనీ, రైతులకు మూడు గంటల కరెంటు ఇస్తే సరిపోతుందని ఇప్పటికే కాంగ్రెస్ రాష్ట్ర చీఫ్ చెబుతున్నార‌ని విమ‌ర్శించారు. అంతకుముందు ఎల్‌బీనగర్‌లో జరిగిన కార్యక్రమంలో కాంగ్రెస్ నేత ఎం. రామ్‌మోహన్‌రెడ్డిని బీఆర్‌ఎస్‌లోకి హరీశ్‌రావు స్వాగతించారు. గౌడ్ రాష్ట్ర సాధన ఉద్యమంలో చురుగ్గా పాల్గొన్న నాయకుడనీ, ఆయన బీఆర్‌ఎస్‌లో చేరడం వల్ల నియోజకవర్గంలో పార్టీ మరింత బలోపేతం అవుతుందన్నారు. గత జీహెచ్‌ఎంసీ ఎన్నికల్లో 11 మంది బీఆర్ఎస్ కార్పొరేటర్లను గెలిపించడంలో ఆయన కీలక పాత్ర పోషించారు.
