Munugodu By election: టీఆర్ఎస్ ఫోన్ ట్యాపింగ్కు పాల్పడుతున్నదని ఆరోపిస్తూ బీజేపీ ఎఎన్నికల సంఘానికి ఫిర్యాదు చేసింది. మునుగోడు నియోజకవర్గంలో ప్రధానంగా పనిచేస్తున్న బీజేపీ నేతల ఫోన్లు ట్యాప్ చేస్తున్నారనీ, ఇది అత్యంత అక్రమమని బీజేపీ పేర్కొంది.
BJP-Election Commission: మునుగోడు ఉప ఎన్నిక రాష్ట్ర రాజకీయాలను వేడేక్కిస్తున్నాయి. అధికార, ప్రతిపక్షాల మధ్య మాటల యుద్ధం కొనసాగుతోంది. పలు చోట్ల ప్రధాని పార్టీ శ్రేణులు మధ్య వాగ్వాదం, ఘర్షణ చోటుచేసుకుంటున్న పరిస్థితులు ఉన్నాయి. ఇదే సమయంలో టీఆర్ఎస్, బీజేపీ పార్టీల మధ్య మాటల యుద్ధం తారా స్థాయికి చేరుకుంది. ఎన్నికల ప్రచారంలో ఎన్నికల నియమావళిని ఉల్లంగించే చర్యలకు పాల్పడుతున్నారని ఇప్పటికే రెండు పార్టీలు ఎన్నికల సంఘానికి (ఈసీ) ఫిర్యాదు చేశారు. తాజాగా మరోసారి బీజేపీ ఎన్నికల సంఘానికి లేఖ రాసింది. అందులో బీజేపీ నాయకులు పోన్లను ట్యాప్ చేస్తున్నారని ఆ పార్టీ ఆరోపించింది.
మునుగోడు అసెంబ్లీ స్థానానికి ఉప ఎన్నిక జరగనున్న తరుణంలో టీఆర్ఎస్ ప్రభుత్వం మోడల్ కోడ్ ఆఫ్ కాండక్ట్ను నిర్మొహమాటంగా ఉల్లంఘిస్తోందని బీజేపీ జాతీయ ప్రధాన కార్యదర్శి తరుణ్ చుగ్ మంగళవారం అన్నారు. ప్రజాస్వామ్య స్వరాన్ని అణిచివేసేలా ఉన్న కేసీఆర్ నేతృత్వంలోని రాష్ట్ర ప్రభుత్వం అక్రమ పద్ధతులపై సమగ్ర విచారణ జరిపించాలని భారత ఎన్నికల సంఘానికి చేసిన ఫిర్యాదులో చుగ్ డిమాండ్ చేశారు. మునుగోడు నియోజకవర్గంలో ప్రధానంగా పనిచేస్తున్న బీజేపీ నేతల ఫోన్లు ట్యాప్ చేస్తున్నారనీ, ఇది అత్యంత అక్రమమని అన్నారు. ఎలాంటి చట్టపరమైన ప్రక్రియ లేకుండా ఒకరి టెలిఫోన్ ట్యాప్ చేయడం చట్టం ప్రకారం అనుమతించబడదనీ, ఈ చర్యలు అధికార టీఆర్ఎస్ పార్టీ చట్టపరమైన ప్రక్రియను దుర్వినియోగం చేయడం తప్ప మరొకటి కాదని బీజేపీ ఆరోపించింది.
'ఇంజనీరింగ్ ఫిరాయింపుల' కోసం బీజేపీపై 'నకిలీ ఆరోపణలు' చేశారని చుగ్ అన్నారు, 'రాష్ట్ర ప్రభుత్వం ఇచ్చిన ఖచ్చితమైన సాక్ష్యాలు లేవు. ఇది బీజేపీని కించపరచడానికి.. ఓటర్లను తప్పుదోవ పట్టించడానికి చేసిన మరో కఠోర ప్రయత్నమని' అన్నారు. అంతేకాకుండా, “కొంతమంది నాయకుల బ్యాంకింగ్ వివరాలు నకిలీ బ్యాంకింగ్ వివరాలు.. థర్డ్ పార్టీ బ్యాంకింగ్ వివరాలను పొందడానికి ప్రయత్నిస్తున్నాయని పేర్కొన్నారు. అంతేకాకుండా కొంతమంది వ్యక్తుల బ్యాంకింగ్ లావాదేవీలపై తాము దర్యాప్తు చేస్తున్నామని టిఆర్ఎస్ పార్టీ నాయకులు బహిరంగంగా చెప్పడం వంటి అంశాలను కూడా లేవనెత్తింది. టీఆర్ఎస్ పార్టీ, దాని నాయకులు చట్టవిరుద్ధమైన చర్యలకు పాల్పడినట్లు చూపించే కంపెనీలు, పేర్కొన్న చర్యలు కూడా భారతీయ శిక్షాస్మృతిలోని సంబంధిత నిబంధనల ప్రకారం నేరంగా పరిగణించబడతాయి”అని తరుణ్ చుగ్ అన్నారు.
Google Pay, Phone pe, మొదలైన అనేక మొబైల్ మనీ ట్రాన్స్ఫర్ అప్లికేషన్ల ద్వారా టీఆర్ఎస్ పార్టీ నేరుగా ఓటర్లకు మొత్తాలను బదిలీ చేస్తోందని చుగ్ భారత ఎన్నికల సంఘానికి తెలియజేశారు. “టీఆర్ఎస్ పార్టీ కూడా ఇదే పద్ధతిని అవలంబించిందని ఇక్కడ పేర్కొనడం సముచితం. గత ఎన్నికల్లోనూ, ఇటీవల జరిగిన ఎమ్మెల్సీ పట్టభద్రుల ఎన్నికల సమయంలోనూ ఇలానే చేసింది' అని ఆయన పేర్కొన్నారు. ముఖ్యమంత్రి కే చంద్రశేఖర్ రావు (కేసీఆర్) అక్రమాలపై న్యాయమైన విచారణ జరిపి.. తప్పు చేసిన వారిని శిక్షించాలని చుగ్ డిమాండ్ చేశారు.
కాగా, తెలంగాణలోని మునుగోడు అసెంబ్లీ నియోజకవర్గానికి నవంబర్ 3న జరగనున్న ఉపఎన్నికలో 2.41 లక్షల మంది ఓటర్లు తమ తీర్పును వెలువరించనున్నారు. ఇది వచ్చే ఏడాది జరగనున్న శాసనసభ ఎన్నికలకు ముందు రాష్ట్ర రాజకీయాల భవిష్యత్తు గమనాన్ని ప్రభావితం చేస్తుందని భావిస్తున్నారు.
