ఎమ్మెల్యేల ప్రలోభాల కేసులో ముగ్గురి అరెస్ట్ రిజెక్ట్:హైకోర్టులో పోలీసుల లంచ్ మోషన్ పిటిషన్
మొయినాబాద్ పాంహౌస్ లో టీఆర్ఎస్ ఎమ్మెల్యేలను ప్రలోభ పెట్టారనే అంశంపై ముగ్గురు నిందితుల అరెస్ట్ రిజెక్టుపై హైకోర్టులో సైబరాబాద్ పోలీసులు లంచ్ మోషన్ పిటిషన్ దాఖలు చేశారు.
హైదరాబాద్: మొయినాబాద్ ఫాం హౌస్ లో ఎమ్మెల్యేలకు ప్రలోభాల అంశంలో ఆరోపణలు ఎదుర్కొంటున్న ముగ్గురు నిందితుల అరెస్ట్ ను రిజెక్ట్ చేయడంపై సైబరాబాద్ పోలీసులు శుక్రవారం నాడు హైకోర్టులో లంచ్ మోషన్ పిటిషన్ దాఖలు చేశారు.ముగ్గురు నిందితులను కస్టడీకి ఇచ్చేలా ఆదేశాలు ఇవ్వాలని ఆ పిటిషన్ లో కోరారు .
మొయినాబాద్ ఫాం హౌస్ లో టీఆర్ఎస్ కు చెందిన నలుగురు ఎమ్మెల్యేలను ప్రలోభాలకు గురి చేశారనే ఆరోపణలపై ముగ్గురిని పోలీసులు ఈ నెల 26న అరెస్ట్ చేశారు. ఈ మేరకుతాండూరు ఎమ్మెల్యే పైలెట్ రోహిత్ రెడ్డి పోలీసులకు పిర్యాదు చేశారు.ఈ పిర్యాదు మేరకు పోలీసులు ఢిల్లీకి చెందిన రామచంద్రభారతి, తిరుపతికి చెందిన సింహయాజీ, హైద్రాబాద్ కు చెందిన నందులను అరెస్ట్ చేశారు.
నిన్న రాత్రి ఈ ముగ్గురిని పోలీసులు సరూర్ నగర్ లో ఉన్న జడ్జి నివాసంలో హాజరుపర్చారు. అయితే ఈ ముగ్గురిపై పోలీసులు పీడీ యాక్ట్ నమోదు చేయడాన్ని జడ్జి తప్పు బట్టారు.పీడీ యాక్ట్ వర్తించదని జడ్జి తేల్చి చెప్పారు. 41 సీఆర్‌పీసీ సెక్షన్ కింద నోటీసులు ఇచ్చి విచారించాలని జడ్జి ఆదేశించారు. ఈ ఆదేశాల మేరకు పోలీసులు ఈ ముగ్గురికి 41 సీఆర్‌పీసీ సెక్షన్ కింద నోటీసులు జారీ చేశారు. ఇవాళ విచారణకు రావాలని ఆదేశించారు.నిందితులను వదిలేయాలని కోరారు.అయితే ఈ విషయమై సైబరాబాద్ పోలీసులు ఇవాళ లంచ్ మోషన్ పిటిషన్ దాఖలు చేశారు. నిందితుల అరెస్ట్ ను జడ్జి తిరస్కరించడాన్ని సవాల్ చేశారు.
ఈ నెల 26న మొయినాబాద్ ఫాం హౌస్ లో నలుగురు టీఆర్ఎస్ ఎమ్మెల్యేలను ప్రలోభాలకు గురి చేశారని ఈ ముగ్గురిపై ఆరోపణలు వచ్చాయి. తాండూరు ఎమ్మెల్యే పైలెట్ రోహిత్ రెడ్డి ఇదే విషయమై మొయినాబాద్ పోలీసులకు పిర్యాదు చేశాడు. పోలీసులకు ఇచ్చిన పిర్యాదులో రోహిత్ రెడ్డి కీలక అంశాలను ప్రస్తావించారు.
also read:కేసీఆర్ కు బండి సంజయ్ సవాల్: యాదాద్రికి బయలుదేరిన బీజేపీ తెలంగాణ చీఫ్
తమ పార్టీ ఎమ్మెల్యేలను కొనుగోలు చేసేందుకు బీజేపీ ప్రయత్నించిందని టీఆర్ఎస్ ఆరోపించింది. ఈ ఆరోపణలను బీజేపీ తప్పుబట్టింది. ఈ నలుగురు ఎమ్మెల్యేలను ప్రలోభాలు పెట్టాల్సిన అవసరం లేదని బీజేపీ ప్రకటించింది. కేసీఆర్ సర్కార్ ను కూల్చివేయాల్సిన అవసరం కూడ తమకు లేదని కూడ బీజేపీ తేల్చి చెప్పింది. ఈ విషయమై ఎవరూ కూడ నోరు మెదపవద్దని టీఆర్ఎస్ నేతలను కోరారు ఆ పార్టీ వర్కింగ్ ప్రెసిడెంట్ కేటీఆర్ . ట్విట్టర్ వేదికగా ఈ విషయాన్ని కేటీఆర్ నిన్న ప్రకటించిన విషయం తెలిసిందే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
