ఈయనది కూడా ‘బీకాంలో ఫిజిక్సే’ !
పీవీ సింధూను వాలీబాల్ ప్లేయర్ చేసిన మజ్లిస్ ఎమ్మెల్యే
బీకాంలో ఫిజిక్స్ అనేది ఇప్పుడు సోష్ ల్ మీడియాలో ట్రెండ్ అవుతున్న పదాలలో ఒకటి. మొన్నామధ్య ఏపీకి చెందిన టీడీపీ ఎమ్మెల్యే జలీల్ ఖాన్ ఓ ఇంటర్వ్యూలో తాను బీకాంలో ఫిజిక్స్ చదివానని చెప్పడం అది నెట్ లో వైరల్ గా మారడం తెలిసిందే.
ఇప్పుడు దేశంలో అవగాహన లేని రాజకీయ నేతల గురించి కాస్త క్లుప్తంగా చెప్పేందుకు ఈ పదం బాగా ఉపయోగిస్తున్నారు.
ఏపీలోనే అనుకుంటే ఇప్పుడు తెలంగాణలోనూ బీకాంలో ఫిజిక్స్ నేతలు బాగానే బయటపడుతున్నారు.
ఒలింపిక్స్ విజేత, హైదరాబాద్ క్రీడాకారిణి పీవీ సింధూ .... ప్రపంచం మొత్తం తెలిసిన పేరు. ఒలింపిక్స్ విజయంతో దేశ క్రీడా చరిత్రలో ఓ కొత్త అధ్యాయాన్ని లిఖించింది. హైదారాబాద్ లో పుట్టిపెరిగిన ఈ అమ్మాయిని రాష్ట్ర ప్రభుత్వం కూడా ఘనంగా సత్కరించింది.
అయితే పీవీ సింధూ ఏ క్రీడాకారణియో తెలియకుండానే మన హైదారబాదీ నేత ఒకరు ఆమె గురించి పొగుడేశారు. ఈ రోజు హైదరాబాద్ లో 5కే రన్ కార్యక్రమాన్ని నిర్వహించారు. దీనికి పీవీ సింధూ ముఖ్య అతిథిగా హాజరయ్యారు. డిప్యూటీ ముఖ్యమంత్రి మహమూద్ అలీ, మజ్లీస్ ఎమ్మెల్యే ముంతాజ్ ఖాన్ తదితరులు కూడా వచ్చారు.
ఈ కార్యక్రమంలో మజ్లిస్ పార్టీ ఎమ్మెల్యే ముంతాజ్ ఖాన్ మాట్లాడుతూ.. బ్యాడ్మింటన్ ప్లేయర్ అయిన పీవీ సింధూను వాలీబాల్ ప్లేయర్ గా పొగడ్తలతో ముంచెత్తారు. దీంతో ఆ కార్యక్రమానికి వచ్చిన వారందరూ ఒక్కసారిగా అవాక్కైయ్యారు.
ప్రపంచమంతా పీవీ సింధూ గురించి గొప్పగా చెబుతుంటే ఆమె పుట్టిపెరిగిన నగరంలోని నేతలకు ఆమె ఏ క్రీడాకారిణితో తెలియకపోవడం గమనార్హం. మన నేతల జనరల్ నాలెడ్జ్ కు ఇదో మచ్చు తునక అనుకోవచ్చు.
ఈ వ్యాఖ్యల చేసిన ముంతాజ్ ఖాన్ పై అప్పుడే సోషల్ మీడియాలో సెటైర్లు మొదలయ్యాయి. ఏపీలోనే కాదు తెలంగాణలోనూ బీకాం లో ఫిజిక్స్ లకు కొదవలేదనే నిజాన్ని ఈ ఎమ్మెల్యే నిరూపించారు అని సోషల్ మీడియా కోడై కూస్తోంది.