Asianet News TeluguAsianet News Telugu

వ్యభిచారిణిగా చిత్రిస్తూ మహిళ ఫోన్ నెంబర్ డేటింగ్ యాప్ లో పెట్టిన వ్యక్తి

ఎదురింటివారితో ఉన్న ఓ వ్యక్తి అత్యంత నీచమైన కార్యానికి ఒడిగట్టి చివరకు కటకటాల పాలయ్యాడు. రూబీ కిరణ్ అనే వ్యక్తి ఎదురింటి మహిళ ఫోన్ నెంబర్ ను, ఆమె వివరాలను డేటింగ్ యాప్ లో పెట్టాడు.

Man arrested for posting woman's phone number in dating app in Hyderabad
Author
Nagole, First Published Dec 25, 2020, 7:06 AM IST
  • Facebook
  • Twitter
  • Whatsapp

హైదరాబాద్: మహిళ ఫోన్ నెంబర్ డేటింగ్ యాప్ లో పెట్టిన వ్యక్తిని రాచకొండ సైబర్ క్రైమ్ పోలీసులు అరెస్టు చేశారు. ఎదురు ఇంటిలో ఉంటన్నవారితో పెట్టుకున్న చిన్నపాటి గొడవలను మనసులో పెట్టుకుని ఓ వ్యక్తి ఆ ఇంట్లోని మహిళ ఫోన్ నెంబర్ ను డేటింగ్ యాప్ లో పెట్టారు. 

గడ్డం రూబీకిరణ్ అనే 38 ఏళ్ల వ్యక్తి ఓ ప్రైవేట్ సంస్థలో ఉద్యోగం చేస్తున్నాడు. హైదరాబాదులోని నాగోల్ బండ్లగుడాలోని ఇంద్రప్రస్త కాలనీలో నివాసం ఉంటున్నాడు. ఇతని కుటుంబానికి ఎదురింట్లో ఉన్నవారికి చిన్నపాటి గొడవలు ఉన్నాయి. 

వాటిని మనసులో పెట్టుకుని రూబీ కిరణ్ ఆ ఇంట్లో ఉంటున్న మహిళ వివరాలతో మెయిల్ ఐడి తయారు చేశాడు. అసభ్యకరమైన రాతలతో ఆమెను వ్యభిచారణిగా చిత్రిస్తూ ఆమె వివరాలను, ఫోన్ నెంబర్ ను డేటింగ్ యాప్ లో పెట్టాడు. దాంతో ఆమెకు ఫోన్లు రావడం ప్రారంభమైంది. మెసేజ్ లు రాసాగాయి. 

ఆ వేధింపులను తట్టుకోలేక మహిళ రాచకొండ సైబర్ క్రైమ్ పోలీసులకు ఫిర్యాదు చేసింది. విచారణ సాగించిన పోలీసులు సాంకేతిక ఆధారాల ద్వారా నిందితుడు రూబీకిరణ్ ను గుర్తించారు. గురువారంనాడు అతన్ని అరెస్టు చేశారు. అతని నుంచి మొబైల్ ఫోన్ ను స్వాధీనం చేసుకున్నారు. 

Follow Us:
Download App:
  • android
  • ios