పండగ పూట వరంగల్ జిల్లాలో విషాదం.. రోడ్డు ప్రమాదంలో తండ్రీకూతురు మృతి..
దసరా పండగ వేళ వరంగల్ జిల్లాలో రాయపర్తి మండలంలో విషాదం చోటుచేసుకుంది.
 )
Followదసరా పండగ వేళ వరంగల్ జిల్లాలో రాయపర్తి మండలంలో విషాదం చోటుచేసుకుంది. పండగ కోసమని కూతరు-అల్లుడిని ఇంటికి తీసుకొచ్చి సరదాగా గడుపుదామని అనుకున్న కుటుంబంలో రోడ్డు ప్రమాదం విషాదం నింపింది. వివరాలు.. వరంగల్ జిల్లా రాయపర్తి మండలం మొరిపిరాలకు చెందిన వెంకన్న కూతురు అనూష, అల్లుడు రాజేశ్‌ హైదరాబాద్‌లో నివాసం ఉంటున్నారు. దసరా పండగ వేళ కూతురు-అల్లుడును మొరిపిరాలలోని తన నివాసానికి తీసుకొచ్చేందుకు వెంకన్న హైదరాబాద్‌కు వెళ్లాడు.
అయితే కూతురు అల్లుడుని హైదరాబాద్ నుంచి మెరిపిరాలకు తీసుకొస్తున్న సమయంలో.. రాయపర్తి మండలం కిష్టాపురం సమీపానికి రాగానే వాళ్లు ప్రయాణిస్తున్న బైక్‌ను కారు ఢీకొట్టింది. ఈ ప్రమాదంలో వెంకన్న, అనూష అక్కడికక్కడే మృతి చెందారు. రాజేశ్‌ తీవ్రంగా గాయపడ్డారు. ఈ ప్రమాదాన్ని గమనించిన స్థానికులు వెంటనే రాజేష్‌ను ఆస్పత్రికి తరలించారు. ఈ ఘటనపై సమాచారంఅందుకున్న పోలీసులు అక్కడికి చేరుకుని పరిశీలించారు. ఈ ఘటనపై కేసు నమోదు చేసుకుని దర్యాప్తు చేపట్టారు. ఈ ప్రమాదం తర్వాత కారు డ్రైవర్ అక్కడి నుంచి పారిపోయాడు. అతడి ఆచూకీ కోసం పోలీసులు గాలిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
