తుమ్మల.. ఎడమ..కుడి అయ్యింది..!

ఆ సమయంలో ఖమ్మం జిల్లా పరిషత్‌ ఛైర్మెన్‌గా ఉన్న కవిత సహా తుమ్మల నాగేశ్వర్ రావు వర్గీయులంతా టీఆర్ఎస్‌ గూటికి చేరారు దీంతో కేసీఆర్ తన మంత్రివర్గంలోకి తుమ్మల నాగేశ్వర్ రావును తీసుకొన్నారు. రోడ్లు, భవనాల శాఖమంత్రిగా తుమ్మల నాగేశ్వర్ రావు పనిచేశారు.

మాజీ మంత్రి తుమ్మల నాగేశ్వరరావు విషయంలో ఎడమ.. కుడి ఎడమ అయ్యింది. రైట్.. రాంగ్ అయ్యింది. ఇంతకీ మ్యాటరేంటంటే... స్థానిక సంస్థల ఎన్నికల్లో మాజీ మంత్రి తుమ్మల నాగేశ్వరరావు ఎడమ చేతి వేలికి బదులుగా కుడిచేతి వేలికి ఎన్నికల సిబ్బంది సిరా గుర్తు వేశారు. 

భద్రాద్రి కొత్తగూడెం జిల్లా దమ్మపేట మండలం గండుగులపల్లి 28వ పోలింగ్‌ కేంద్రంలో ఆయన తన ఓటుహక్కును వినియోగించుకున్నారు. తమిళనాడు ఎన్నికల్లో రజనీకాంత్‌ కుడిచేతి వేలికి సిరా గుర్తు వేసి అక్కడి సిబ్బంది సస్పెన్షన్‌కు గురైన సంగతి మరువక ముందే మన రాష్ట్రంలో ఎన్నికల సిబ్బందీ అదే తీరులో వ్యవహరించడం గమనార్హం.