రైతులకు కాంగ్రెస్ వ్యతిరేకం కాదు.. బీఆర్ఎస్ పై రేవంత్ రెడ్డి ఫైర్
Telangana Assembly Elections 2023: కాళేశ్వరం ప్రాజెక్టు నిర్మాణంలో బీఆర్ఎస్ ప్రభుత్వ వైఫల్యమే మేడిగడ్డ స‌మ‌స్య‌కు నిదర్శనమని తెలంగాణ కాంగ్రెస్ చీఫ్ రేవంత్ రెడ్డి అన్నారు. దీని నిర్మాణానికి ముందు సరైన భూసార పరీక్షలు నిర్వహించడంలో, సాంకేతిక పరిజ్ఞానాన్ని పాటించడంలో ప్రభుత్వం విఫలమైందని ఆరోపించారు.
 )
FollowTelangana Congress chief A Revanth Reddy: కాంగ్రెస్ పార్టీ రైతులకు వ్యతిరేకం కాద‌నీ, బీఆర్ఎస్ ప్రభుత్వం మోడల్ కోడ్ ఆఫ్ కండక్ట్‌ను పదేపదే ఉల్లంఘించ‌డంతోనే ఎన్నికల సంఘానికి తాము ఫిర్యాదు చేసిన‌ట్టు తెలంగాణ కాంగ్రెస్ చీఫ్ ఏ రేవంత్ రెడ్డి తెలిపారు. ఢిల్లీలో ఆయన మీడియాతో మాట్లాడుతూ రైతులకు రైతుబంధు ప్రయోజనాలను అందించడానికి కాంగ్రెస్ వ్యతిరేకం కాదని స్పష్టం చేశారు. “నిజానికి తెలంగాణ ప్రభుత్వం ఈ నిధులను నవంబర్ 2 లోపు రైతుల ఖాతాలకు బదిలీ చేయాలని మేము డిమాండ్ చేస్తున్నాము. ఈ సూత్రం సంక్షేమ పథకాలకు నగదు బదిలీలన్నింటికీ వర్తింపజేయాలి, లబ్ధిదారులకు నామినేషన్ రోజు ముందే వారి అర్హతలు అందేలా చూడాలి” అని రేవంత్ పేర్కొన్నారు. ప్రగతి భవన్, ఎమ్మెల్యేల క్యాంపు కార్యాలయాలు వంటి అధికారిక స్థలాలను దుర్వినియోగం చేయడంపై పార్టీ ఎన్నికల కమిషన్‌కు ఫిర్యాదులు కూడా చేసింది.
''అవి ప్రజాధనంతో నిర్మించబడ్డాయి. పార్టీ రాజకీయ కార్యకలాపాలకు ఉపయోగించకూడదు. గత తొమ్మిదేళ్లుగా బీఆర్ఎస్ పార్టీతో పొత్తుపెట్టుకున్న అధికారులు చూపుతున్న అభిమానాన్ని ఎన్నికల సంఘం దృష్టికి కూడా తీసుకెళ్లాం. ఐఏఎస్, ఐపీఎస్ అధికారులను అన్ని జిల్లాల్లో ఎస్పీలుగా, కలెక్టర్లుగా నియమించాలని మేము ఈసీఐని కోరాము. ప్రభుత్వ బాధ్యతల కంటే పార్టీ అజెండాలకు ప్రాధాన్యతనిచ్చే నిర్దిష్ట అధికారుల పేర్లను అందించాము. అంతేకాకుండా, రిటైర్డ్ అధికారుల్లో కొందరు బీఆర్ఎస్ పార్టీకి ప్రైవేట్ ఆర్మీగా పనిచేస్తున్నందున వారిని సర్వీసు నుండి తొలగించాలని మేము ఎన్నికల సంఘాన్ని అభ్యర్థించామని'' చెప్పారు.
మేడిగడ్డ బ్యారేజీ పిల్లర్లు మునిగిపోవడం వల్ల నష్టం జరిగిందని చెప్పి దృష్టి మరల్చేందుకు బీఆర్ఎస్ ప్రయత్నిస్తోందని రేవంత్ ఆరోపించారు. కాళేశ్వరం ప్రాజెక్టు నిర్మాణంలో బీఆర్ఎస్ ప్రభుత్వ వైఫల్యమే మేడిగడ్డ వివాదానికి నిదర్శనమన్నారు. దీని నిర్మాణానికి ముందు సరైన భూసార పరీక్షలు నిర్వహించడంలో, సాంకేతిక పరిజ్ఞానాన్ని పాటించడంలో ప్రభుత్వం విఫలమైందని వెల్లడైందన్నారు. ఒకప్పటి హైదరాబాద్ రాష్ట్రంలో నిజాం రజాకార్లు పనిచేసినట్లే నేటి నిజాం, కేసీఆర్ కోసం తెలంగాణ అధికారులు పనిచేస్తున్నారని రేవంత్ ఆరోపించారు. ఈ అధికారుల్లో కొందరు కాంగ్రెస్ పార్టీపై తప్పుడు కేసులు పెట్టారని పేర్కొన్నారు. రైతు బంధు, దళిత బంధు వంటి వివిధ పథకాల కింద ప్రజలకు బీఆర్ఎస్ అందిస్తున్న నగదు ప్రయోజనాలను నవంబర్ 2వ తేదీలోగా నిలిపివేయాలని డిమాండ్ చేస్తున్నామని ఆయన అన్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
