న్యూ ఇయర్ వేడుకల్లో అపశృతి... కత్తులతో ఒకరినొకరు దాడి..
ఉట్నూర్ మండల కేంద్రంలోని బోయవాడలో నూతన సంవత్సర వేడుకలు జరుపుకుంటున్న యువకులు ఒకరిపై మరొకరు కత్తులతో దాడికి తెగబడ్డారు.
ఆనందంగా.. ఉత్సాహంగా జరుపుకోవాల్సిన నూతన సంవత్సర వేడుకలను కొందరు హింసాత్మకంగా మార్చేశారు. కత్తులతో ఒకరిని మరొకరు పొడిచుకొని రక్తపాతం సృష్టించారు. ఈ సంఘటన ఆదిలాబాద్ జిల్లా ఉట్నూర్ మండల కేంద్రంలో నూతన సంవత్సర వేడుకల్లో చోటుచేసుకుంది.
ఉట్నూర్ మండల కేంద్రంలోని బోయవాడలో నూతన సంవత్సర వేడుకలు జరుపుకుంటున్న యువకులు ఒకరిపై మరొకరు కత్తులతో దాడికి తెగబడ్డారు.
ఈ ఘటనలో నలుగురికి గాయాలయ్యాయి. ఇద్దరి పరిస్థితి విషమంగా మారింది. చిత్స నిమిత్తం ఇద్దరినీ ఆదిలాబాద్ రిమ్స్కి తరలించారు. పోలీసులు కేసు నమోదు చేసి దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాాల్సి ఉంది.