ఉత్తమ్ పర్యటనలో ఘర్షణ: టీఆర్ఎస్, కాంగ్రెస్ పరస్పర రాళ్ల దాడి
సూర్యాపేట జిల్లాలోని చింతలపాలెం మండలం పీక్లానాయక్ తండాలో శుక్రవారం నాడు కాంగ్రెస్, టీఆర్ఎస్ వర్గాల మధ్య గొడవ చోటు చేసుకొంది. ఈ ఘర్షణలో రెండు పార్టీలకు చెందిన పలువురు కార్యకర్తలు గాయపడ్డారు.
సూర్యాపేట: సూర్యాపేట జిల్లాలోని చింతలపాలెం మండలం పీక్లానాయక్ తండాలో శుక్రవారం నాడు కాంగ్రెస్, టీఆర్ఎస్ వర్గాల మధ్య గొడవ చోటు చేసుకొంది. ఈ ఘర్షణలో రెండు పార్టీలకు చెందిన పలువురు కార్యకర్తలు గాయపడ్డారు.
ఈ గ్రామంలో ప్రచారం నిర్వహించేందుకు టీపీసీసీ చీఫ్ ఉత్తమ్ కుమార్ రెడ్డి వచ్చారు. అయితే ఉత్తమ్ కుమార్ రెడ్డి ప్రచారం చేయడాన్ని టీఆర్ఎస్ నాయకులు అడ్డుకొన్నారు.తమ గ్రామానికి ఏం చేశావని ఉత్తమ్‌ను నిలదీశారు.
ఈ సమయంలో రెండు పార్టీలు పరస్పరం రాళ్లు రువ్వుకొన్నారు. ఈ విషయం తెలిసిన వెంటనే పోలీసులు గ్రామానికి చేరుకొన్నారు. ఈ దాడిలో గాయపడిన వారిని హుజూర్ నగర్ ప్రభుత్వాసుపత్రిలో చికిత్స పొందుతున్నారు.
గ్రామంలో ఎలాంటి అవాంఛనీయ సంఘటనలు చోటు చేసుకోకుండా పోలీసులు భారీ బందోబస్తు ఏర్పాటు చేశారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
