russia ukraine war:ఇన్స్ టాగ్రమ్-ఫేస్‌బుక్ ని నిషేధించిన రష్యా ప్రభుత్వం.. వి‌పి‌ఎన్ కోసం పెరిగిన డిమాండ్
చైనా, భారతదేశంతో సహా ప్రపంచంలోని అనేక దేశాలలో వి‌పి‌ఎన్ పెద్ద ఎత్తున ఉపయోగించబడుతుంది. యాప్స్ నిషేధం తర్వాత, రష్యాలో వి‌పి‌ఎన్ కోసం డిమాండ్ 668% పెరిగింది.
 )
Followరష్యా ఉక్రెయిన్ మధ్య జరుగుతున్న యుద్ధం నేపధ్యంలో రష్యా ప్రభుత్వం మెటా యాజమాన్యంలోని ఇన్స్ టాగ్రమ్ (Instagram)యాప్‌ను నిషేధించింది. ఇన్‌స్టాగ్రామ్ కంటే ముందు, రష్యాలో ఫేస్‌బుక్ కూడా నిషేధించబడింది. ఫేస్‌బుక్, ఇన్స్ టాగ్రమ్ కాకుండా టిక్ టాక్ (Tiktok) రష్యాలో పాక్షికంగా నిషేధించబడింది, అంటే, టిక్ టాక్ వినియోగదారులు ఇప్పటికే అప్‌లోడ్ చేసిన వీడియోలను చూడవచ్చు కానీ కొత్త వీడియోలను అప్‌లోడ్ చేయలేరు, అయితే రష్యాలో యుట్యూబ్, టెలిగ్రామ్ వంటి యాప్స్ ఇప్పటికీ ఉపయోగించబడుతున్నాయి.
నిషేధాల మధ్య పెద్ద ఆయుధంగా వి‌పి‌ఎన్
ప్రపంచంలోని అన్ని ప్రభుత్వాలాగానే రష్యా కూడా సోషల్ మీడియాను నిషేధించింది, అయితే నిషేధం మధ్య ప్రపంచంలోని ఇతర దేశాల ప్రజలు సోషల్ మీడియాను ఉపయోగించే విధానం అలాగే ఉంది. ఏదైనా సైట్‌పై నిషేధం తర్వాత, వర్చువల్ ప్రైవేట్ నెట్‌వర్క్ (VPN) కోసం డిమాండ్ పెరుగుతుంది ఇప్పుడు రష్యాలో కూడా అదే జరిగింది. చైనా, భారతదేశంతో సహా ప్రపంచంలోని అనేక దేశాలలో వి‌పి‌ఎన్ పెద్ద ఎత్తున ఉపయోగించబడుతుంది. నిషేధం తర్వాత, రష్యాలో వి‌పి‌ఎన్ కోసం డిమాండ్ 668% పెరిగింది.
రష్యా సోషల్ మీడియాను ఎందుకు నిషేధించింది
ఉక్రెయిన్‌పై రష్యా దాడి తర్వాత రష్యా వినియోగదారుల కోసం హేట్ స్పీడ్ విధానాన్ని మారుస్తున్నట్లు మెటా తెలిపింది. ఈ మార్పు తర్వాత, రష్యా వినియోగదారులు Facebookలో రష్యా అధ్యక్షుడు వ్లాదిమిర్ పుతిన్‌కు వ్యతిరేకంగా హింసాత్మక, రెచ్చగొట్టే పోస్ట్‌లను పోస్ట్ చేయవచ్చు. విధానంలో ఈ మార్పును అనుసరించి, రష్యా ప్రభుత్వం Meta యాప్‌లు, Facebook ఇంకా Instagram రెండింటినీ నిషేధించింది. రష్యా ప్రాసిక్యూటర్ జనరల్ కార్యాలయం మెటాను తీవ్రవాద సంస్థగా వర్గీకరించాలని రష్యా కోర్టును కోరినట్లు రష్యా స్వతంత్ర వార్తా సంస్థ నివేదించింది.
రష్యాలో సేవలను మూసివేసిన ప్రముఖ కంపెనీలు
మెటా యొక్క Facebook, Instagram, WhatsAppలను రష్యన్ రాష్ట్ర మీడియా ఉపయోగించదు. అంతేకాకుండా, రష్యాలో ఈ ప్లాట్‌ఫారమ్‌లన్నింటిలో మానిటైజేషన్ కూడా నిలిపివేయబడింది.
యూట్యూబ్: గూగుల్ రష్యన్ స్టేట్ మీడియా యూట్యూబ్ ఛానెల్ నుండి ప్రకటనలను తీసివేసింది.
టిక్‌టాక్: యూరప్‌లో ఆర్‌టి అండ్ స్పుత్నిక్‌లకు సంబంధించిన స్టేట్ మీడియా ఖాతాలకు టిక్‌టాక్ యాక్సెస్‌ను ముగించింది. అంతేకాకుండా, టిక్‌టాక్ వినియోగదారులు కొత్త వీడియోలను అప్‌లోడ్ చేయలేరు.
ట్విట్టర్: రష్యా - ఉక్రెయిన్ మధ్య యుద్ధం కొనసాగుతున్న నేపథ్యంలో ట్విట్టర్ ప్రకటనలను నిషేధించింది.
TSMC: తైవాన్ TSMC రష్యాలో రూపొందించిన ఎల్బ్రస్-బ్రాండెడ్ చిప్‌లతో సహా రష్యన్ మార్కెట్లో అన్ని చిప్‌సెట్‌ల అమ్మకాన్ని నిషేధించింది.
నెట్‌ఫ్లిక్స్: స్ట్రీమింగ్ ప్లాట్‌ఫారమ్ నెట్‌ఫ్లిక్స్ ప్లాట్‌ఫారమ్‌లో ఛానల్ వన్ వంటి రష్యన్ ప్రభుత్వ టెలివిజన్ ఛానెల్‌లను నిషేధించింది, అయినప్పటికీ కంపెనీ రష్యాతో దాని వ్యాపారాన్ని ముగించలేదు.
ఇంటెల్: ప్రముఖ చిప్‌సెట్ తయారీ సంస్థ ఇంటెల్ రష్యాలో చిప్‌ల విక్రయాన్ని నిలిపివేసింది.
వీటితో పాటు AMD, Dell, Uber, Bolt, Snapchat, Viber, Roku, Microsoft, Nokia, Apple కూడా రష్యాలో సేవలను నిలిపివేసాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
