బడ్జెట్‌లోనే షియోమీ 5 కెమెరాల ఫోన్
చైనా స్మార్ట్ ఫోన్ దిగ్గజం షియోమీ విపణిలోకి మరో స్మార్ట్ఫోన్ తీసుకురానున్నది. వెనుక వైపు 5 కెమెరాలతో రూపొందించిన ఎంఐ సీసీ9 ప్రోను వచ్చేనెల ఐదో తేదీన 5న విడుదల చేయనుంది. భారత్ విపణిలోకి ఈ ఫోన్‌ను ఎంఐ ఏ3 ప్రో పేరుతో రానున్నట్లు సమాచారం.
న్యూఢిల్లీ: బడ్జెట్ ధరల్లో స్మార్ట్ఫోన్లు అందించే చైనా దిగ్గజం షియోమీ నుంచి మరో కొత్త మొబైల్ రానున్నది. 5 బ్యాకప్ కెమెరాలతో రూపొందించిన ఎంఐ సీసీ9 ప్రో స్మార్ట్ఫోన్ను వచ్చేనెల ఐదో తేదీన విపణిలోకి విడుదల చేసేందుకు షియోమీ సిద్ధమైంది. ఈ ఫోన్‌కు సంబంధించి పూర్తి ఫీచర్లను షియోమీ వెల్లడించలేదు గానీ మీటూ సంస్థ భాగస్వామ్యంలో వచ్చిన సీసీ స్మార్ట్ఫోన్ల సిరీస్లో సీసీ9 ప్రో మూడోది. ఇప్పటివరకు ఈ సిరీస్లో సీసీ9, సీసీ9ఈ ఫోన్లను విడుదల చేసింది షియోమీ.
భారత్లో ఏ3 ప్రో సీసీ9ఈను ప్రపంచ మార్కెట్లో ఎంఐ ఏ3 ఆండ్రాయిడ్ వన్ పేరుతో విడుదల చేసింది. సీసీ9 ప్రోను ఏ3 ప్రోగా విడుదల చేయనున్నట్లు సమాచారం. 6 జీబీ ర్యామ్ విత్ 128 జీబీ రామ్, 8 జీబీ ర్యామ్ విత్128జీబీ రామ్, 8జీబీ ర్యామ్ విత్ 256 జీబీ రామ్ వేరియంట్లలో ఈ ఫోన్ లభించనుంది.
also read ఇక వార్ జియో x ఎయిర్‌టెల్ మధ్యే...
అధికారికంగా వెల్లడించిన సమాచారం ప్రకారం.. సీసీ9 ప్రోలో కెమెరాపై ప్రధానంగా దృష్టి సారించింది షియోమీ. వెనుకవైపు 5 కెమెరాలను పొందుపరిచింది. ప్రధాన కెమెరాలో శామ్‌సంగ్ రూపొందించిన 108 మెగాపిక్సల్ సెన్సార్ను అమర్చింది.
ఫొటో బ్యాక్గ్రౌండ్ స్పష్టత కోసం 12 ఎంపీ అల్ట్రావైడ్ యాంగిల్, 8ఎంపీ టెలిఫొటో లెన్స్, మాక్రో లెన్స్, డెప్త్ సెన్సార్లనూ పొందుపరిచింది.ఒప్పో రెనో ఫోన్ల తరహాలో 5 రెట్లు ఆప్టికల్ జూమ్ ఆప్షన్ కూడా ఇచ్చింది షియోమీ. మార్కెట్లో ప్రస్తుతానికి 5 కెమెరాలున్న స్మార్ట్ ఫోన్ నోకియా 9 ప్యూర్వ్యూ మాత్రమే.
also read ఫేస్ బుక్ స్పెషల్ ఫీచర్.. ప్రపంచమంతా అక్కడే
ఎంఐ సీసీ 9 ప్రో మోడల్ స్మార్ట్ పోన్ 6.4 అంగుళాల ఫుల్ హెచ్డీ తోపాటు అమోలెడ్ డిస్ ప్లే కలిగి ఉంటుంది. క్వాల్కమ్ స్నాప్డ్రాగన్ 730జీ చిప్సెట్ గల ఈ ఫోన్ వెనుక 108ఎంపీ సామర్థ్యం గల కెమెరా ఉంటుంది. అలాగే 32 ఎంపీ సెల్ఫీ కెమెరా కూడా అమర్చారు. ఈ ఫోన్ 4000 ఎంఏహెచ్ సామర్థ్యం గల బ్యాటరీ ఉంటుంది. ఇప్పటికి సంస్థ ఫోన్ ధర ఎంతో ప్రకటించలేదు కానీ.. భారత విపణిలో రూ.16 వేల నుంచి రూ.20 వేల మధ్య ఉండొచ్చని అంచనా.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
