మీ వ్యక్తిగత డేటాపై చైనా ఓ కన్నేసి ఉంచుతోంది! ఈ రెండు యాప్‌లు ఫోన్‌లో ఉంటే అలర్ట్..

  మీరు ఆండ్రాయిడ్ ఫోన్ వాడుతున్నారా..? అవును అయితే అప్రమత్తంగా ఉండండి, ఎందుకంటే ప్రమాదకరమైన యాప్‌లు మీ వ్యక్తిగత డేటాను దొంగిలించి చైనాకు పంపుతున్నాయి. ఈ రెండు యాప్‌లను గూగుల్ ప్లే స్టోర్‌లో కనుగొనబడ్డాయి. మీడియా నివేదికల ప్రకారం, ఈ యాప్‌ల నుండి దొంగిలించబడిన డేటా చైనాలోని సర్వర్‌లలో కనుగొనబడింది. ఈ యాప్‌లను ఇప్పటి వరకు 10 లక్షల మందికి పైగా డౌన్‌లోడ్ చేసుకున్నట్లు సమాచారం. ఈ గణాంకాలు ఆందోళనలను పెంచుతున్నాయి... 

ఈ యాప్ మీ వ్యక్తిగత డేటాను చైనాకు పంపుతోంది

మొబైల్ సైబర్ సెక్యూరిటీ అనలిస్ట్ కంపెనీ ప్రాడియో దీని గురించి గూగుల్ అప్రమత్తమైందని పేర్కొంది. చైనీస్ స్పైవేర్‌తో కూడిన ఈ రెండు యాప్‌ల పేర్లు 'ఫైల్ రికవరీ & డేటా రికవరీ' అండ్  'ఫైల్ మేనేజర్'. రెండూ ఒకే డెవలపర్ ద్వారా సృష్టించబడ్డాయి. అతని పేరు వాంగ్ టామ్. పేరు సూచించినట్లుగా, ఈ యాప్‌లు డేటాను మ్యానేజ్ చేయడంలో  సహాయపడతాయి. ఫోన్, టాబ్లెట్ లేదా ఆండ్రాయిడ్ డివైజ్  నుండి తొలగించబడిన ఫైల్‌లను రిస్టోర్ చేయడంలో కూడా సహాయపడుతుంది. మీరు ఈ యాప్‌లను ఉపయోగిస్తున్నట్లయితే, వాటిని వెంటనే ఫోన్ నుండి తొలగించాలని సూచించబడింది.

ఇలా డేటాను సేకరిస్తోంది
డేటాను సేకరించేందుకు రెండు యాప్‌లు గూగుల్ ప్లే స్టోర్ నిబంధనలను ఉల్లంఘిస్తున్నాయి. వారు వినియోగదారుల డివైజ్ నుండి ఎలాంటి డేటాను సేకరించడం లేదని ప్రొఫైల్‌లో చెప్పగా, వారు Googleని డాడ్జ్ చేయడం ద్వారా డేటాను దొంగిలిస్తున్నారు. సైబర్ సెక్యూరిటీ సంస్థ దీనిని గుర్తించింది.  

ఏయే యాప్‌లు డేటాను దొంగిలిస్తున్నాయి
రీసెర్చ్ సంస్థ ప్రకారం, ఈ రెండు యాప్‌లు వినియోగదారుల కాంటాక్ట్ లిస్ట్, రియల్ టైమ్ లొకేషన్, మొబైల్ కంట్రీ కోడ్, నెట్‌వర్క్ ప్రొవైడర్ పేరు, కోడ్, సమ్ ప్రొవైడర్ నెట్‌వర్క్ నంబర్, డివైస్ బ్రాండ్, మోడల్ వంటి డేటాను దొంగిలిస్తున్నాయి. ఏదైనా యాప్‌ను డౌన్‌లోడ్ చేసే ముందు, దాని రివ్యూ  చూడాలని పరిశోధనా సంస్థ సూచించింది. యాప్‌కి అనుమతి ఇచ్చే ముందు వినియోగదారులు వాటి గురించి జాగ్రత్తగా చదవాలి.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి

• Android phone
• Android phone malware
• China servers
• Google Play Store
• dangerous apps
• personal data threats
• Android users alert
• malware apps