లాక్డౌన్ ఎఫెక్ట్: ఈ-కామర్స్ సైట్లలో ఎక్కువగా వాటికోసమే సెర్చింగ్.. వెల్లడించిన ఫ్లిప్కార్ట్
కరోనా నియంత్రణ కోసం దేశవ్యాప్తంగా విధించిన లాక్డౌన్ ఆంక్షలకు కేంద్రం కొన్ని సడలింపులు చేసింది. ఆరెంజ్, గ్రీన్ జోన్లలో అత్యవసరం సహా ఇతర వస్తువుల అమ్మేలా ఈ-కామర్స్ సంస్థలకు కేంద్రం అనుమతులిచ్చింది. అయితే, అన్ని దుకాణాలు మూసివేయడంతో ప్రజలు ఈ-కామర్స్ వెబ్‌సైట్లలో హెయిర్ సెలూన్లలో వాడే ’ట్రిమ్మర్ల’ కోసం వెతికారు.
న్యూఢిల్లీ: కరోనా ‘లాక్డౌన్’తో దుకాణాలన్నీ మూసి ఉండటంతో హెయిర్ కట్ చేసుకోవడం ఎలాగో ఎవరికీ తెలియదు. ఏమైనా ప్రయోగాలు చేద్దామంటే తగిన సరంజామా లేదు. లాక్డౌన్ ముగిసినా, ఆంక్షలు సడలించినా, గతంలో మాదిరిగా ధైర్యంగా సెలూన్కు వెళ్లే పరిస్థితి లేదు. అందుకే అందరి దృష్టి ఇప్పుడు 'ట్రిమ్మర్'పై పడింది.
ప్రతి ఒక్కరూ సాధ్యమైనంత త్వరగా ఒక ట్రిమ్మర్ కొనుగోలు చేయాలని చూస్తున్నారు. సరసమైన ధరకు మంచి ట్రిమ్మర్లు ఏమున్నాయోనని ఈ-కామర్స్ సైట్లలో తెగ వెతికేస్తున్నారని వాల్‌మార్ట్ అనుబంధ ఫ్లిప్కార్ట్ ఈ సంగతి బయటపెట్టింది.
గత 15 రోజులుగా వినియోగదారులు అత్యధికంగా శోధించిన టాప్-10 వస్తువుల జాబితాలో ట్రిమ్మర్లు ఉన్నట్లు ఫ్లిప్కార్ట్ తెలిపింది. గత నెల ప్రారంభం నుంచి ఇప్పటి వరకు వీటి కోసం వెతికిన వారి సంఖ్య 4.5 రెట్లు పెరిగిందని వెల్లడించింది.
అలాగే గ్యాస్ స్టౌవ్ల కోసం వెతుకుతున్న వారి సంఖ్య రెండింతలు అయినట్లు ఫ్లిప్కార్ట్ తెలిపింది. అయితే.. ఫ్యాన్లు, ఏసీల పరిస్థితి ఏటా వేసవిలో ఎలా ఉంటుందో అదే రీతిలో ఉన్నట్లు స్పష్టం చేసింది. కొన్ని రాష్ట్రాల్లో ఆరెంజ్, గ్రీన్ జోన్లలో అత్యవసర, ఇతర ఉత్పత్తుల అమ్మకాలకు ఈ-కామర్స్ సంస్థలకు ప్రభుత్వం అనుమతించింది.
‘ల్యాప్టాప్స్, మొబైల్స్, ఏసీ, కూలర్స్, టీ-షర్ట్స్ వంటి వాటి కోసం ఎక్కువగా వెతకటాన్ని గుర్తించాం. దేశవ్యాప్తంగా లక్షల మంది అమ్మకందారులు, ఎంఎస్ఎఈలతో కలిసి మా సంస్థ పనిచేస్తోంది’ అని ఫ్లిప్కార్ట్ సీనియర్ వైస్ ప్రెసిడెంట్ అనిల్ గోటేటి తెలిపారు.
also read వాట్సాప్-పే కొత్త ఫీచర్...త్వరలో అందుబాటులోకి...
‘ప్రస్తుత సమయంలో వినియోగదారులకు ఉత్పత్తులను అందుబాటులో ఉంచేందుకు మా సంస్థ ప్రయత్నిస్తోంది. సురక్షితమైన, శానిటైజ్ చేసిన సరఫరా చైన్తో వినియోగదారుల ఇంటికి ఉత్పత్తులను చేరవేసేందుకు నిరంతరం సేవలందిస్తుంది ఫ్లిప్కార్ట్. ప్రభుత్వ, స్థానిక అధికారుల మార్గదర్శకాలకు అనుగుణంగా సేవలు కొనసాగుతాయి’ అని ఫ్లిప్కార్ట్ సీనియర్ వైస్ ప్రెసిడెంట్ అనిల్ గోటేటి చెప్పారు.
కరోనా భయాలతో ప్రజలు బయటకు పెద్దగా వచ్చే పరిస్థితులు లేనందున.. ఇదే ధోరణి కొనసాగే అవకాశం ఉన్నదని ఈ-కామర్స్ పరిశ్రమ నిపుణులు అభిప్రాయపడుతున్నారు. కేవలం చిన్న దుకాణాలను అనుమతించి.. మాల్స్, పెద్ద మార్కెట్లకు మూసి ఉంచితే, హోండెలివరీ కోసం ప్రజలు ఆన్లైన్ స్టోర్స్పైనే ఆధారపడతారని అంచనా వేస్తున్నారు. అయినప్పటికీ… గిడ్డంగులు, లాజిస్టిక్స్లో సిబ్బంది కొరత కారణంగా డెలివరీలో జాప్యం జరిగే అవకాశం ఉందని అంటున్నారు.
తమ వినియోగదారులకు సురక్షితమైన ప‌ద్ద‌తిలో ప‌రిశుభ్ర‌మైన చైన్ ద్వారా సేవలు కొన‌సాగిస్తున్నామ‌ని ఫ్లిప్కార్ట్ సీనియర్ వైస్ ప్రెసిడెంట్ అనిల్ గోటేటి వెల్ల‌డించారు. స్థానిక రాష్ట్ర ప్రభుత్వాల నిబంధ‌న‌ల‌కు అనుగూణంగా న‌డుచుకుంటున్నామ‌ని తెలిపారు. మొద‌టి, రెండ‌వ లాక్డౌన్ ముగిసి మూడో ద‌శ లాక్డౌన్ కొన‌సాగుతోంది. ఈ కామర్స్ సంస్థ‌ల ద్వారా కిరాణా, ఇతర అత్యవసర సామాన్లు మాత్ర‌మే అందిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
