మమ్మల్ని తిట్టండి, కానీ చూడండి: స్టేడియం ఫుల్

First Published 4, Jun 2018, 7:17 PM IST
Sunil Chetri request: Football stadium full
Highlights

టీమిండియా ఫుట్ బాల్ జట్టు కెప్టెన్ సునీల్ ఛేత్రీ విజ్ఞప్తి ఫలించినట్లే ఉంది. 

ముంబై: టీమిండియా ఫుట్ బాల్ జట్టు కెప్టెన్ సునీల్ ఛేత్రీ విజ్ఞప్తి ఫలించినట్లే ఉంది. మమ్మల్ని తిట్టండి, కానీ ఆట చూడండి అని ఎంతో ఆవేదనతో ఆయన ట్విటర్ లో పోస్టు చేశాడు. దాంతో మాజీ క్రికెటర్ సచిన్ టెండూల్కర్, టీమిండియా కెప్టెన్ విరాట్ కోహ్లీ వంటి ఆటగాళ్లు ఆయనకు బాసటగా నిలిచాడు. 

తెలంగాణ ఐటి శాఖ మంత్రి కెటి రామారావు కూడా తాను ఫుట్ బాల్ చూడడానికి వెళ్తున్నట్లు ట్వీట్ చేసి, తన ఫాలోయర్లకు కూడా ఆట చూడాలని విజ్ఞప్తి చేశారు 

దాంతో సోమవారం ముంబై ఫుట్‌బాల్ అరెనాలో కెన్యాతో జరుగుతున్న మ్యాచ్‌ను వీక్షించేందుకు ఉత్సాహంతో ప్రేక్షకులు ముందుకు వచ్చారు. 18వేల మంది సామర్థ్యం కలిగిన ఈ స్టేడియంలో చైనాతో జరిగిన మ్యాచ్‌ను వీక్షించేందుకు కేవలం 2,500 మంది మాత్రమే వచ్చారు. 

అది చూసి తట్టుకోలేకపోయిన సునీల్ వీడియోని పోస్ట్ చేశాడు. ఈ మ్యాచ్ సునీల్‌కి 100వ అంతర్జాతీయ మ్యాచ్ కావడం విశేషం. ఈ మ్యాచ్‌ని చూసేందుకు అభిమానులు పెద్ద ఎత్తున టికెట్లు బుక్ చేసుకోవడంతో స్టేడియం మొత్తం నిండిపోయింది. 

loader