Asianet News TeluguAsianet News Telugu

కరోనా వేళ.. డాక్టర్ల బర్త్ డే పార్టీ.. చివరకు..

పూణేలో కరోనా విజృంభిస్తున్న సమయంలో  కొంతమంది వైద్యులు బర్త్‌డే పార్టీ చేసుకున్నారు. ఈ విషయం తెలిసిన పోలీసులు 11మంది డాక్టర్లపై కేసు నమోదుచేశారు. అలాగే ఇద్దరు రిసార్ట్ మేనేజర్లను కూడా అరెస్టు చేశారు. 

Resort birthday party busted in Pune, 11 doctors booked
Author
Hyderabad, First Published Jul 20, 2020, 11:25 AM IST
  • Facebook
  • Twitter
  • Whatsapp

కరోనా మహమ్మారి ప్రపంచ దేశాలను పట్టిపీడిస్తోంది. ఈ వైరస్ బారిన దేశంలో ప్రతిరోజూ వేల మంది పడుతున్నారు. వందల సంఖ్యలో ప్రాణాలు కోల్పోతున్నారు. ఇలాంటి సమయంలో.. ప్రజలకు ఈ వైరస్ పట్ల అవగాహన కల్పించాల్సిన వైద్యులే విచ్చలవిడిగా ప్రవర్తించారు. కరోనా నియమాలను తుంగలో తొక్కి.. పుట్టినరోజు వేడుకలు చేసుకున్నారు. ఈ సంఘటన మహారాష్ట్రలో చోటుచేసుకోగా.. పూర్తి వివరాలు ఇలా ఉన్నాయి.

పూణేలో కరోనా విజృంభిస్తున్న సమయంలో  కొంతమంది వైద్యులు బర్త్‌డే పార్టీ చేసుకున్నారు. ఈ విషయం తెలిసిన పోలీసులు 11మంది డాక్టర్లపై కేసు నమోదుచేశారు. అలాగే ఇద్దరు రిసార్ట్ మేనేజర్లను కూడా అరెస్టు చేశారు. 

 కరోనా కేసులు విపరీతంగా పెరుగుతున్నాయన్న కారణంగా పూణేలో పదిరోజులపాటు లాక్‌డౌన్ విధిస్తున్నట్లు అధికారులు ప్రకటించారు. ఈ ఆదేశాలను పక్కనబెట్టిన వైద్యులు శుక్రవారంనాడు బర్త్‌డే పార్టీ సెలబ్రేట్ చేసుకున్నారు. ‘లాక్‌డౌన్‌లో మూసేసి ఉండాల్సిన రిసార్టు అర్థరాత్రి తెరిచారని, దానిలో కొందరు వ్యక్తులు చేరి పార్టీ చేసుకుంటున్నారని సమాచారం అందింది. దీంతో వెంటనే ఘటనా స్థలానికి చేరుకున్నాం’ అని పోలీసులు తెలిపారు.

Follow Us:
Download App:
  • android
  • ios