విదేశాలలో జరిగిన ఒక పెద్ద ఆపరేషన్‌లో భారతీయ భద్రతా ఏజెన్సీలు విజయం సాధించాయి. 1993 ముంబై వరుస పేలుళ్ల కేసులో మోస్ట్ వాంటెడ్ టెర్రరిస్టుని ఎట్టకేలకు యూ‌ఏ‌ఈ సహకారంతో పట్టుకున్నాయి. ముంబైలో వివిధ ప్రాంతాల్లో జరిగిన 12 పేలుళ్లలో 257 మంది మృతి చెందగా, 713 మంది గాయపడ్డారు.

భారత భద్రతా సంస్థలు గొప్ప విజయాన్ని సాధించాయి. 1993 ముంబై వరుస పేలుళ్ల కేసులో 29 ఏళ్లుగా పరారీలో ఉన్న మోస్ట్ వాంటెడ్ టెర్రరిస్ట్ అబూ బకర్ ని యునైటెడ్ అరబ్ ఎమిరేట్స్ (UAE) అరెస్ట్ చేసినట్లు వెల్లడించింది. ముంబైలోని వివిధ ప్రాంతాల్లో జరిగిన ఈ వరుస పేలుళ్లలో 257 మంది మృతి చెందగా, 713 మంది గాయపడ్డారు. అబూ బకర్‌ను త్వరలోనే భారత్‌కు రప్పిస్తానని ఉన్నత వర్గాలు ధృవీకరించాయి.

పాక్ ఆక్రమిత కాశ్మీర్ (POK)లో ఉగ్రవాదులకు శిక్షణ ఇవ్వడంలో అబు బకర్‌ పేరు కూడా ఉంది. అంతేకాకుండా ముంబై వరుస పేలుళ్ల సమయంలో ఉపయోగించిన ఆర్‌డిఎక్స్‌ను భారతదేశానికి తీసుకువచ్చినట్లు ఆరోపణలు ఉన్నాయి. అతను చాలా కాలంగా పాకిస్తాన్ ఇంకా యునైటెడ్ అరబ్ ఎమిరేట్స్‌లో తలదాచుకుంటున్నాడు. అయితే యూఏఈ ఏజెన్సీల సహకారంతో భారత భద్రతా సంస్థలు అతడిని పట్టుకున్నాయి. 

పట్టుబడిన ఉగ్రవాది అబూ బకర్ పాక్ ఆక్రమిత కాశ్మీర్‌లో ఆయుధాలు ఇంకా పేలుడు పదార్థాల శిక్షణ, ముంబై వరుస పేలుళ్లలో ఉపయోగించిన ఆర్‌డి‌ఎక్స్ ల్యాండింగ్ ప్రణాళికలో పాల్గొన్నాడు.

మూడేళ్ల క్రితం కూడా అరెస్టు, విడుదల
ఇంతకుముందు 2019లో కూడా అబూ బకర్ అరెస్టయ్యాడు. అయితే కొన్ని డాక్యుమెంట్స్ లేకపోవడంతో అతను యూ‌ఏ‌ఈ అధికారుల కస్టడీ నుండి తనకి తాను విడుదల కాలిగాడు. ఈసారి భారతీయ ఏజెన్సీలు అబూ బకర్‌ను భారత్ రప్పించే ప్రక్రియలో ఉన్నాయి. దీని తర్వాత ఉగ్రవాది అబూ బకర్ భారత చట్టాన్ని ఎదుర్కోవలసి ఉంటుంది. 

1997లో రెడ్ కార్నర్ నోటీసు జారీ 
అబూ బకర్ పూర్తి పేరు అబూ బకర్ అబ్దుల్ గఫూర్ షేక్. దావూద్ ఇబ్రహీంకు కీలకమైన లెఫ్టినెంట్లుగా ఉన్న మహ్మద్, ముస్తఫా దోస్సాలతో కలిసి అబూ బకర్ స్మగ్లింగ్‌లో పాల్గొన్నాడు. వీరిద్దరూ దావూద్ ఇబ్రహీంకు ప్రత్యేకం. గల్ఫ్ దేశాల నుంచి ముంబై దాని పరిసర ప్రాంతాలకు బంగారం, బట్టలు, ఎలక్ట్రానిక్ వస్తువులను స్మగ్లింగ్ చేసేవాడు.

1997లో అతనిపై రెడ్ కార్నర్ నోటీసు జారీ చేయబడింది. అప్పటి నుండి అతనిని పట్టుకోవడానికి వేట సాగుతోంది, అయితే ఇప్పుడు ఈ వేట విజయవంతమైందని యుఎఇ వర్గాలు తెలిపాయి. అబూ బకర్ ఇరాన్ జాతీయురాలిని రెండో భార్యగా వివాహం చేసుకున్నాడు. అబూ బకర్‌కు దుబాయ్‌లో ఎన్నో వ్యాపార ఆస్తులు ఉన్నాయి.