Mumbai: తన తల్లి శరీర భాగాలను ఇంట్లో దాచి.. అక్కడే రెండు నెలలుగా నివాసముంటున్న ఒక మహిళను ముంబయి పోలీసులు అరెస్టు చేశారు. అంతకుముందు మృతురాలు కనిపించకపోవడం, ఆ ఇంటి నుంచి వింత వాసన రావడంతో పోలీసులకు సమాచారం ఇవ్వగా, లాల్బాగ్ ప్రాంతంలోని ఆమె ఇంట్లో సోదాలు చేయగా తల్లి శరీర భాగాలు కనిపించాయనీ, ఆమె తన తల్లి మృతదేహంతో రెండు నెలలుగా నివసిస్తోందని పోలీసులు తెలిపారు.
Another shocking incident in Mumbai: దేశ ఆర్థిక రాజధాని ముంబయిలో మరో షాకింగ్ ఘటన వెలుగులోకి వచ్చింది. చనిపోయిన తన తల్లి శరీర భాగాలను ఇంట్లో వివిధ ప్రాంతాల్లో దాచిపెట్టి, అదే ఇంట్లో నివాసముంటున్న మహిళను పోలీసులు అరెస్టు చేశారు. ఈ ఘటనపై విచారణ జరుగుతున్నదని తెలిపారు. పోలీసులు విచారణలో తన తల్లిని తానే హత్య చేసినట్టు కూతురు వెల్లడించిందని పోలీసులు పేర్కొన్నారు.
వివరాల్లోకెళ్తే.. తన తల్లి శరీర భాగాలను ఇంట్లో దాచి.. అక్కడే రెండు నెలలుగా నివాసముంటున్న ఒక మహిళను ముంబయి పోలీసులు అరెస్టు చేశారు. అంతకుముందు మృతురాలు కనిపించకపోవడం, ఆ ఇంటి నుంచి వింత వాసన రావడంతో పోలీసులకు సమాచారం ఇవ్వగా, లాల్బాగ్ ప్రాంతంలోని ఆమె ఇంట్లో సోదాలు చేయగా, తల్లి శరీర భాగాలు కనిపించాయనీ, ఆమె తన తల్లి మృతదేహంతో రెండు నెలలుగా నివసిస్తోందని పోలీసులు తెలిపారు.
ఈ ఘటనలో నిందితురాలైన రింపుల్ జైన్ (23) ఆమె 55 ఏళ్ల తల్లి వీణా జైన్ తో కలిసి నివాసముంటోంది. అయితే, తన తల్లి చేతులు-కాళ్లను నరికి నీటి ట్యాంక్లో ఉంచగా, ఆమె మొండెం-ఆమె తలను అల్మారాలో ఉంచారు. ఈ ఘటన వెలుగులోకి రావడానికి ముందు జైన్ తన తల్లి శరీర భాగాలతో రెండు నెలల పాటు ఒకే ఇంట్లో నివాసముందని పోలీసులు గుర్తించారు. వీణా జైన్ కు ఇద్దరు సోదరులు, ఐదుగురు సోదరీమణులు ఉన్నారు.
కూతురు పోలీసులకు ఏం చెప్పిందంటే..?
రెండు నెలల క్రితం వీణా జైన్ మొదటి అంతస్తు నుంచి కింద పడిందని, కింద పనిచేసే ఇద్దరు వ్యక్తులు ఆమెకు సహాయం చేసి తిరిగి ఇంటికి తీసుకెళ్లారని రింపిల్ పోలీసులకు చెప్పారు. మార్చి 14న రింపుల్ బంధువు ఇంటికి వచ్చినప్పుడు నిందితుడు తలుపు తీయలేదు. రెండు నెలలుగా వీణా జైన్ ను చూడలేదని ఇరుగుపొరుగు వారు రింపుల్ బంధువుకు చెప్పారు. ఆ తర్వాత రింపుల్ బంధువు తన తల్లికి విషయం చెప్పగా, ఆమె బలవంతంగా తలుపు తెరిచి ఇంట్లోకి వెళ్లి చూడగా ఆ ప్రాంతమంతా అస్తవ్యస్తంగా ఉండటంతో పాటు అక్కడ వింత వాసన వస్తోందని చెప్పారు. పోలీసులకు ఫిర్యాదు చేయడంతో ఓ బృందం ఆ ఇంటికి చేరుకుని తనిఖీలు చేపట్టింది.
ఈ క్రమంలోనే వీణా జైన్ తల, మొండెం బీరువాలో ఉండగా, ఆమె చేతులు, కాళ్లు స్టీల్ వాటర్ ట్యాంకులో ఉన్నట్లు పోలీసులు గుర్తించారు. ఐపీసీ సెక్షన్ 302( హత్యకు శిక్ష), ఆయుధ చట్టం కింద కేసు నమోదు చేసిన పోలీసులు రింపుల్ జైన్ ను అరెస్టు చేశారు.
