హైదరాబాద్-కర్ణాటక ప్రాంతాన్ని కళ్యాణ-కర్ణాటకగా ప్రకటించారు కర్ణాటక సీఎం యడియూరప్ప.

మంగళవారం కలబురిగిలో పర్యటించిన ముఖ్యమంత్రి అనంతరం మాట్లాడుతూ.. ప్రజల చిరకాలంగా ఈ ప్రాంతాన్ని కళ్యాణ-కర్ణాటకగా పేరు పెట్టాలని కోరుతున్నారని.. వారి కోరిక మేరకు పేరు మారుస్తున్నట్లు సీఎం స్పష్టం చేశారు.

గుల్బర్గ, బీదర్, రాయచూర్, యాదగిరి, బళ్లారి, కొప్పళ జిల్లాలతో కూడిన ఈ ప్రాంతం ఒకప్పుడు హైదరాబాద్ సంస్థానంలో ఉండేది.

సంస్థానాల విలీనం అనంతరం భాషా ప్రయుక్త రాష్ట్రాల ఏర్పాటుతో ఈ ప్రాంతం మొత్తం కర్ణాటక రాష్ట్రంలో కలిసినప్పటికీ.. ఆ ప్రాంతాన్ని మాత్రం ఇప్పటికీ హైదరాబాద్-కర్ణాటకగానే వ్యవహరిస్తున్నారు. రాజ్యాంగంలోని ఆర్టికల్ 371-జే ప్రకారం ఈ ప్రాంత ప్రజలకు విద్య, ఉపాధి అవకాశాల్లో రిజర్వేషన్ లభిస్తుంది.