Asianet News TeluguAsianet News Telugu

Heavy rains: భారీ వ‌ర్షాలు.. ప‌లు రాష్ట్రాల్లో పోటెత్తిన వ‌ర‌ద‌లు

Weather Update: దేశంలోని పలు ప్రాంతాల్లో భారీ వర్షాలు ప్ర‌జా ఇబ్బందులను మ‌రింత‌గా పెంచాయి. మహారాష్ట్ర, ఛత్తీస్‌గఢ్‌, బీహార్‌లోని పలు ప్రాంతాలు నీట మునిగాయి. ఎక్కడ చూసినా వ‌ర‌ద నీరు కనిపిస్తోంది. 
 

Heavy rain increased trouble in Maharashtra, Chhattisgarh and Bihar, flooded roads, heavy rain alert in many districts
Author
First Published Sep 12, 2022, 10:50 AM IST

Heavy rains: దేశ‌వ్యాప్తంగా భారీ వ‌ర్షాలు కురుస్తున్నాయి. దీంతో చాలా ప్రాంతాల్లో వ‌ర‌ద‌లు పోటెత్తాయి. ముంపు ప్రాంతాల్లో ప్ర‌జ‌ల ఇబ్బందుల‌ను మ‌రింత‌గా పెంచుతున్నాయి. ముఖ్యంగా మహారాష్ట్ర, ఛత్తీస్‌గఢ్‌లోని పలు ప్రాంతాల్లో భారీ వర్షం ప్రజల ఇబ్బందులను పెంచింది. ఔరంగాబాద్‌లో నదిలో బట్టలు ఉతకడానికి వెళ్లిన ముగ్గురు మహిళలు ఒక్కసారిగా వచ్చిన వరదల్లో కొట్టుకుపోయారు. అదే సమయంలో, భారీ వర్షాల కారణంగా ఛత్తీస్‌గఢ్‌లోని 6 జిల్లాలు తీవ్రంగా ప్రభావితమయ్యాయి. బస్తర్ జిల్లాలో చాలా ఇళ్లలోకి నీరు చేరింది. ఇది కాకుండా నేపాల్‌లో కురుస్తున్న భారీ వర్షాల కారణంగా బీహార్‌లోని సీతామర్హి గుండా ప్రవహించే నదుల నీటిమట్టం పెరిగింది.

మహారాష్ట్రలోని ఔరంగాబాద్‌లో ముగ్గురు మహిళలు దేవగిరి నదిలో బట్టలు ఉతకడానికి వెళ్లారు. భారీ వ‌ర్షాల‌తో ఆక‌స్మాత్తుగా సంభ‌వించిన వ‌ర‌ద కార‌ణంగా నది నీటి మట్టం పెరిగి, పొంగిపొర్ల‌డంతో వ‌ర‌ద‌లు సంభ‌వించాయి. తక్కువ సమయంలో నది ఉగ్ర‌రూపంలో ప్ర‌వ‌హించింది. ఈ క్ర‌మంలోనే అక్క‌డ ముగ్గురు మహిళలు.. బ‌ల‌మైన‌ నది ప్రవాహంలో కొట్టుకుపోయారు. అయితే, స్థానికులు, పోలీసులు చాలా స‌మ‌యం క‌ష్ట‌ప‌డి ఇద్ద‌రు మహిళలను నది తాజ్ ప్రవాహం మధ్యలో నుండి సురక్షితంగా ర‌క్షించారు. అయితే, రెస్క్యూ సమయంలో నది బలమైన ప్రవాహంలో ఒక అమ్మాయి కొట్టుకుపోయింది. ఆమె కోసం గాలింపు చ‌ర్య‌లు కొన‌సాగుతున్నాయ‌ని అధికారులు తెలిపారు. అదే సమయంలో, నది బ‌లమైన ప్రవాహం కారణంగా, చాలా మంది పోలీసులు కూడా నదిలో కొట్టుకుపోయారు. సుర‌క్షితంగా బ‌య‌ట‌ప‌డ్డ వారిని చికిత్స కోసం ఆసుపత్రికి త‌ర‌లించారు. అలాగే, పూణెలో కురుస్తున్న భారీ వర్షాలు నగర రూపురేఖలను మార్చేశాయి.

సీతామర్హి పెరిగిన నదుల నీటిమట్టం

నేపాల్‌లో కురుస్తున్న భారీ వ‌ర్షాల‌తో బీహార్‌లోని సీమర్హిలో వరదల పరిస్థితి ఏర్పడింది. నేపాల్ నుంచి వ‌స్తున్న వ‌ర‌ద‌నీరు మర్హా-హర్దా నదుల ద్వారా సీతామర్హికి చేరుకున్నప్పుడు.. అక్క‌డి చాలా ప్రాంతాలు నీట‌మునిగాయి. అక్కడి రోడ్లు జ‌ల‌మ‌య‌మ‌య్యాయి. వాహనాలు వెళ్లే రహదారులపై భారీగా వ‌ర‌ద‌నీరు వ‌స్తుండ‌టంతో అటువైపుగా ఇళ్లల్లోకి వెళ్లాలంటేనే ప్ర‌జ‌లు భయపడుతున్నారు. లాహురియా ప్రాంతంలో రోడ్డుపై నీరు ప్రవహించడంతో ప్రజలు రాకపోకలకు నిలిచిపోయాయి. చాలా మంది బైక్ రైడర్లు కూడా తమ ప్రాణాలను ప్రమాదంలో పడేసే బలమైన నీటి ప్రవాహాన్ని దాటడం కనిపించింది.

ఛత్తీస్‌గఢ్‌లోని జగదల్‌పూర్‌లో వర్ష బీభత్సం

బస్తర్ జిల్లాలోని జగదల్‌పూర్ నగరంలోని ప్రాంతాల్లో భారీ వర్షం భారీ విధ్వంసం సృష్టించింది. పలు ప్రాంతాల్లో ఇళ్లలోకి నీరు చేర‌డంతో ప్రజలు తీవ్ర ఇబ్బందులు పడుతున్నారు. అదే సమయంలో, బీజాపూర్ పరిస్థితి కూడా బస్తర్ మాదిరిగానే మారింది. అక్కడ 63వ జాతీయ రహదారి నీటితో నిండిపోయింది. పోలీస్‌స్టేషన్‌ నుంచి సీఆర్‌పీఎఫ్‌ క్యాంపు వరకు మోకాళ్ల వరకు నీరు ప్రవహించడంతో నిరంతరాయంగా కురుస్తున్న వర్షం కారణంగా అధికారులు ఎస్‌డీఆర్‌ఎఫ్‌, విపత్తు నిర్వహణాధికారులను అప్రమత్తం చేశారు. దీనితో పాటు వ‌ర్షం కార‌ణంగా అనేక ప‌శువులు మ‌ర‌ణించాయి. ఈ రోజు కూగా ఛత్తీస్‌గఢ్‌లోని అనేక జిల్లాల్లో భారీ వ‌ర్షం కురుస్తుంద‌ని ఐఎండీ హెచ్చ‌రించింది. ఈ క్ర‌మంలోనే ప్ర‌జ‌ల‌ను హెచ్చ‌రిస్తూ ఉత్త‌ర్వులు జారీ చేసింది. 

Follow Us:
Download App:
  • android
  • ios