భార్యకు అసభ్యకరపోస్టులు.. ఆకతాయిని చితకబాదిన ఐఏఎస్
అసభ్యకర పోస్టులతో తన భార్యు వేధిస్తున్న ఓ యువకుడిని పోలీస్ స్టేషన్‌లోనే చితకబాదాడు ఓ ఐఏఎస్ అధికారి. వివరాల్లోకి వెళితే.. పశ్చిమబెంగాల్‌ అలీపూర్‌ద్వార్ జిల్లాకు చెందిన ఐఏఎస్ అధికారి నిఖిల్ నిర్మల్‌ అదే ప్రాంతంలో విధులు నిర్వర్తిస్తూ తన భార్యతో కలిసి అక్కడే నివసిస్తున్నారు.
అసభ్యకర పోస్టులతో తన భార్యు వేధిస్తున్న ఓ యువకుడిని పోలీస్ స్టేషన్‌లోనే చితకబాదాడు ఓ ఐఏఎస్ అధికారి. వివరాల్లోకి వెళితే.. పశ్చిమబెంగాల్‌ అలీపూర్‌ద్వార్ జిల్లాకు చెందిన ఐఏఎస్ అధికారి నిఖిల్ నిర్మల్‌ అదే ప్రాంతంలో విధులు నిర్వర్తిస్తూ తన భార్యతో కలిసి అక్కడే నివసిస్తున్నారు.
ఈ క్రమంలో అతని భార్యకు ఓ వ్యక్తి నుంచి అసభ్యకర మేసేజ్ వచ్చింది. తొలుత దీనిని పట్టించుకోనప్పటికీ ఆ తర్వాత అవి మరింత ఎక్కువ కావడంతో నిఖిల్ దీనిపై స్థానిక పోలీసులకు ఫిర్యాదు చేశారు.
కేసు నమోదు చేసుకున్న పోలీసులు వినోద్ కుమార్ సర్కార్ అనే యువకుడిని అరెస్ట్ చేశారు. ఈ విషయం తెలుసుకున్న నిఖిల్ ఆదివారం తన భార్యను తీసుకుని పోలీస్ స్టేషన్‌కు వెళ్లారు. యువకుడిని చూడగానే కోపంతో ఊగిపోయారు.. ఆవేశంతో అతనిని చితకబాదారు..
యువకుడు క్షమించమన్నా వదల్లేదు.. ఐఏఎస్ భార్య కూడా యువకుడిని కొట్టింది. ఈ తతంగాన్ని అక్కడున్న వారు వీడియో తీసి సోషల్ మీడియాలో పెట్టడంతో అది వైరల్ అయ్యింది. దీనిపై ప్రజాస్వామ్య సంఘాలు మండిపడుతున్నాయి. ఐఏఎస్ అధికారి అయినంత మాత్రాన పోలీస్ స్టేషన్‌కు వెళ్లి యువకున్ని కొట్టే అధికారం లేదని పలువురు ఆగ్రహం వ్యక్తం చేస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
