NTR-Ram Charan:చరణ్ హీరోయిన్ తో ఎన్టీఆర్ రొమాన్స్... ఇది ఫిక్స్!
ఎన్టీఆర్ 30వ చిత్రాన్ని దర్శకుడు కొరటాల శివ తెరకెక్కిస్తున్నారు. దీనిపై అధికారిక ప్రకటన కూడా జరిగిపోయింది. అతి త్వరలో ఈ ప్రాజెక్ట్ పట్టాలెక్కనుంది. కాగా ఈ మూవీకి సంబంధించిన ఓ క్రేజీ న్యూస్ టాలీవుడ్ లో చక్కర్లు కొడుతుంది.
 )
Followఆర్ ఆర్ ఆర్ మూవీతో ఎన్టీఆర్ పాన్ ఇండియా ఎంట్రీ ఇస్తున్నారు. బాలీవుడ్ లో ఎన్టీఆర్ మొదటి అడుగు ఎలా పడనుందో చూడాలన్న ఆతృత ఫ్యాన్స్ లో నెలకొంది. దానికి తోడు ఆయన మూవీ విడుదలై మూడేళ్లు దాటిపోయింది. ఆర్ ఆర్ ఆర్ అంతకంతకు వాయిదా పడుతున్న నేపథ్యంలో ఫ్యాన్స్ ఫ్రస్ట్రేషన్ పీక్స్ కి చేరుకుంటుంది. ఆర్ ఆర్ ఆర్ వీలైనంత త్వరగా థియేటర్స్ లో విడుదల కావాలనుకుంటున్నారు. ఆర్ ఆర్ ఆర్ పై అసహనంతో ఉన్న ఫ్యాన్స్ కి ఎన్టీఆర్ భవిష్యత్ చిత్ర ప్రకటనలు ఉపశమనం కలిగిస్తున్నాయి. ఎన్టీఆర్ లైనప్ చూసి ఫ్యాన్స్ వావ్ అంటున్నారు.
ఎన్టీఆర్ 30వ చిత్రాన్ని దర్శకుడు కొరటాల శివ తెరకెక్కిస్తున్నారు. దీనిపై అధికారిక ప్రకటన కూడా జరిగిపోయింది. అతి త్వరలో ఈ ప్రాజెక్ట్ పట్టాలెక్కనుంది. కాగా ఈ మూవీకి సంబంధించిన ఓ క్రేజీ న్యూస్ టాలీవుడ్ లో చక్కర్లు కొడుతుంది. దర్శకుడు కొరటాల ఎన్టీఆర్ కి జంటగా బాలీవుడ్ స్టార్ హీరోయిన్ అలియా భట్ ని ఎంపిక చేశారట. అలియాతో చర్చలు ముగియడంతో పాటు సైన్ కూడా చేశారనేది తాజా వార్త. మరి ఇదే జరిగితే అలియాతో ఎన్టీఆర్ రొమాన్స్ అదిరిపోతుంది.
ఆల్రెడీ అలియా ఆర్ ఆర్ ఆర్ మూవీతో టాలీవుడ్ ఎంట్రీ ఇచ్చారు. ఆర్ ఆర్ ఆర్ లో అలియా చరణ్ కి జంటగా సీత అనే పాత్ర చేస్తున్నారు. ఎన్టీఆర్, అలియా కాంబినేషన్స్ సీన్స్ ఉంటాయో లేదో క్లారిటీ లేదు. ఇక ఆర్ ఆర్ ఆర్ లో అలియా భట్ ది ప్రాధాన్యం ఉన్న పాత్ర అయినప్పటికీ నిడివి తక్కువగానే ఉంటుందట. అలాగే ఆమె 1920ల నాటి పల్లెటూరి అమ్మాయిగా డీగ్లామర్ రోల్ చేశారు. కాబట్టి అలియా అసలు సిసలు గ్లామర్ ఎన్టీఆర్ సినిమాతో తెలుగు ప్రేక్షకులు ఎంజాయ్ చేయనున్నారు.
ఎన్టీఆర్ కోసం ఓ భిన్నమైన కథను కొరటాల సిద్ధం చేశారట. ఇక కొరటాల మార్క్ సోషల్ మెసేజ్, కమర్షియల్ ఎలిమెంట్స్ కలిగిన సబ్జెక్టు అని సమాచారం. మరో విశేషం ఇది కూడా పాన్ ఇండియా చిత్రం కావడం. కొరటాల శివ చేస్తున్న ఫస్ట్ పాన్ ఇండియా మూవీ కాగా మరింత పకడ్బందీగా స్క్రిప్ట్ సిద్ధం చేశారట. సాంకేతికంగా కూడా ఎన్టీఆర్ 30వ చిత్రం గ్రాండ్ గా ఉండనుంది.
ఇక కొరటాల శివ మూవీ తర్వాత ఎన్టీఆర్ ప్రశాంత్ నీల్ మూవీ చేయాల్సి ఉంది. ఈ చిత్ర ప్రకటన కూడా జరిగిపోయింది. ఉప్పెన ఫేమ్ బుచ్చిబాబుతో కూడా ఎన్టీఆర్ మూవీ చేస్తున్నట్లు వార్తలు వస్తున్నాయి. తమిళ్ డైరెక్టర్ అట్లీ, బాలీవుడ్ బడా దర్శకుడు లీలా భన్సాలీతో పాటు త్రివిక్రమ్ పేర్లు ఎన్టీఆర్ దర్శకుల జాబితాలో వినిపిస్తున్నాయి. మరి ఈ చిత్రాల్లో ఎన్ని కార్యరూపం దాల్చుతాయో చూడాలి. ఆర్ ఆర్ ఆర్ విడుదల తర్వాత ఎన్టీఆర్ ఇమేజ్ మరో స్థాయికి చేరుతుంది అనడంలో సందేహం లేదు. దాన్ని దృష్టిలో పెట్టుకొని దర్శకులు కథలు సిద్ధం చేయాల్సి ఉంటుంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
