ఖలీస్తానీ రెఫరెండంలో ఘర్షణ: అమెరికా శాన్‌ఫ్రాన్సిస్కోలో కొట్టుకున్న వైరివర్గాలు
ఖలీస్తానీ ప్రత్యేక దేశం కోసం రెఫరెండం ప్రత్యర్థులు కొట్టుకునేవరకు వెళ్లింది. అమెరికాలో ఈ ఘటన చోటు చేసుకుంది.
వాషింగ్టన్: అమెరికాలో ఓ జరిగిన ఘటన సోషల్ మీడియాలో చక్కర్లు కొడుతుంది. కొందరు వ్యక్తులు పరస్పరం దాడులు చేసుకుంటున్నారు. వారిని భద్రతా సిబ్బంది అదుపులోకి తీసుకుంటున్నట్టుగా ఆ వీడియోలో దృశ్యాలున్నాయి.
ఈ ఘర్షణలో పాల్గొన్న కొందరు ఖలీస్తానీ జెండాలను కూడ కలిగి ఉన్నారు. ఈ ఏడాది జనవరి 28న ఈ ఘటన జరిగింది. అమెరికాలోని శాన్ ఫ్రాన్సిస్కోలో ఖలిస్తాన్ రెపరెంఢం సమయంలో ఘర్షణ జరిగినట్టుగా సోషల్ మీడియాలో ఈ వీడియో పోస్టు చేసిన ఓ నెటిజన్ పోస్టు చేశారు. ది శాన్ ఫ్రాన్సిస్కో స్టాండర్ట్ నివేదిక ప్రకారం ఈ ఏడాది జనవరి 28న వేలాది మంది ఖలీస్తానీ సానుభూతి పరులు కార్లు, బస్సులు, రైళ్లలో శాన్ ఫ్రాన్సిస్కో కు చేరుకున్నారు.
భారతదేశంలోని సిక్కులు అధికంగా ఉన్న పంజాబ్ రాష్ట్రం విడిపోయి ఖలీస్తాన్ అనే స్వతంత్ర దేశం ఏర్పాటు చేయాలని డిమాండ్ చేశారు. ఈ సందర్భంగా రెఫరెండం నిర్వహించారు.ఈ సమయంలో మేజర్ సింగ్ నిజ్జర్ గ్యాంగ్, సరబ్జిత్ సింగ్ (సాబి) , గురపత్వంత్ సింగ్ పన్నూన్ గ్రూపులు పాల్గొన్నాయి. అయితే ఈ గ్రూపుల మధ్య ఘర్షణ చోటు చేసుకుందని ఆ కథనం తెలిపింది.
కాలిఫోర్నియాలోని 2,50,000 ల మంది సిక్కులున్నారు. వీరిలో ఎక్కువ మంది సెంట్రల్ వ్యాలీ లేదా బే ఏరియాలో నివసిస్తున్నారు. ప్రపంచంలో సిక్కులు నివసించే పలు నగరాల్లో ఓటింగ్ నిర్వహిస్తున్నారు. శాన్ ఫ్రాన్సిస్కో లో జనవరి 28న ప్రజాభిప్రాయసేకరణ (ఓటింగ్ ) నిర్వహించారు. లండన్, జెనీవా, రోమ్, టొరంటో లలో కూడ ఓటింగ్ నిర్వహించనున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
