అమ్మాయిలను ఆకర్షించడానికి అబ్బాయిలు ఒక్కో రకంగా ప్రవర్తిస్తూ ఉంటారు. ఇందుకోసం తమ వృత్తిని సైతం వాడుకుంటారు. కొంతమంది తాను ఫలానా జాబ్ చేస్తున్నానని.. లేని ఉద్యోగాన్ని, ఉన్నట్లుగా చూపిస్తారు.

ఈ క్రమంలో ట్రాఫిక్ పోలీస్‌గా పనిచేస్తున్న ఓ వ్యక్తి... అమ్మాయి అందంగా ఉందని చెప్పి చలానా రాశాడు. వివరాల్లోకి వెళితే.. ఉరుగ్వేలోని పెసందే ట్రాఫిక్ కానిస్టేబుల్‌గా విధులు నిర్వర్తిస్తున్న ఓ వ్యక్తికి ఓ యువతి కనిపించింది.

వెంటనే ఆమెను ఆపి.. చలానా రాశాడు. హెల్మెట్ లేదనో రాస్తే అనుకోవచ్చు. కానీ కేవలం అందంగా ఉందని యువతికి చలానా రాశాడు. పబ్లిక్ రోడ్లపై అందగత్తె (ఎక్సెసివ్ బ్యూటీ ఆన్ పబ్లిక్ రోడ్స్) అంటూ చలానాలో పేర్కొన్నాడు.

ఆ చలానాను యువతి సోషల్ మీడియాలో పోస్ట్ చేసింది. దీంతో అది ఒక్కసారిగా వైరల్ అవ్వడం.. ఉన్నతాధికారుల దృష్టికి వెళ్లడం జరిగిపోయింది. సదరు ట్రాఫిక్ కానిస్టేబుల్‌పై చర్యలు తీసుకోవాల్సిందిగా అధికారులు ఆదేశాలు జారీ చేశారు.