ఇండోనేషియాలో భారీ భూకంపం... 384 కి చేరిన మృతుల సంఖ్య
దీవుల సముదాయమైన ఇండోనేషియాలో మరోసారి భూకంపం సంభవించింది. శుక్రవారం ఇక్కడి స్వల్పంగా కంపించి భారీ నష్టానికి కారణమైంది. రిక్టర్ స్కేలుపై ఈ భూకంప తీవ్రత 7.5 గా నమోదయ్యింది. నెల రోజుల వ్మయవధిలోనే ఇలా భూకంపం సంభవించడం ఇది రెండోసారి.
దీవుల సముదాయమైన ఇండోనేషియాలో మరోసారి భూకంపం సంభవించింది. శుక్రవారం ఇక్కడి స్వల్పంగా కంపించి భారీ నష్టానికి కారణమైంది. రిక్టర్ స్కేలుపై ఈ భూకంప తీవ్రత 7.5 గా నమోదయ్యింది. నెల రోజుల వ్మయవధిలోనే ఇలా భూకంపం సంభవించడం ఇది రెండోసారి.
ఈ భూకంప తీవ్రతకు చాలా ఇండ్లు నెలమట్టమయ్యాయి. ఈ ప్రకృతి విపత్తులో మొదట 48 మంది మృతి చెందినట్లు ఆ దేశ విపత్తు నిర్వహణ సంస్థ ప్రకటించింది. అయితే ఇలా ప్రకటించిన కొద్ది గంటల్లోపే మృతుల సంఖ్య 384కి చేరినట్లు ఈ సంస్థ ప్రకటించింది. ఇంకా చాలా మంది తీవ్రంగా గాయపడగా మరికొందరి ఆచూకీ తెలియకుండా ఉందని అధికారులు వెల్లడించారు. అందువల్ల మృతుల సంఖ్య ఇంకా పెరిగే అవకాశం కనిపిస్తోంది.
ముఖ్యంగా ఈ భూకంప తీవ్రత సులవేసి ద్వీపంలో పాలూ నగరంలో అధికంగా ఉన్నట్లు తెలుస్తోంది. అలాగే ఈ భూకంపం కారణంగా సముద్రం అల్లకల్లోలంగా మారింది. అలలు 3 మీటర్ల ఎత్తులో ఎగిసిపడుతున్నాయి. దీంతో అధికారులు తీర ప్రాంత ప్రజలను, మత్స్యకారులను హెచ్చరించారు.
ఈ భూకంప ప్రాంతాల్లో విపత్తు నిర్వహణ అధికారులు సహాయక చర్యలు చేపట్టారు. శిథిలాల క్రింద చిక్కుకున్న వారికి కాపాడుతున్నారు. అలాగే ఇంకా ప్రమాదం పొంచివున్న ప్రాంతాల్లో నివాసముంటున్న ప్రజలకు సురక్షిత ప్రాంతాలకు తరలిస్తున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
