Beast :‘బీస్ట్’ కథ ఏంటి...ఆ కన్నడ సినిమా లైన్ కు దగ్గరగా ఉందంటూ ప్రచారం
అందుతున్న సమాచారం ప్రకారం బీస్ట్ స్టోరీ మొత్తం ఒక పెద్ద షాపింగ్ మాల్ లో జరుగుతుందని వినికిడి. ఇంట్రడక్షన్, పాటలు మినహాయించి సినిమా చివరిదాకా విజయ్ ఒకే కాస్ట్యూమ్ లో అది కూడా తెల్లని ప్యాంట్ బనియన్ తో ఉంటాడని చెప్తున్నారు.
Follow
తమిళ స్టార్ హీరో విజయ్, పూజా హెగ్డే ప్రధాన పాత్రదారులుగా తెరకెక్కిన చిత్రం ‘బీస్ట్’. ఈ సినిమా కోసం విజయ్ ఫ్యాన్స్‌ చాలా కాలంగా ఎదురు చూస్తున్నారు. కేవలం తమిళంలోనే కాకుండా తెలుగు,మళయాళంలోనూ ఈ సినిమాపై మంచి ఎక్సపెక్టేషన్స్ ఉన్నాయి. నెల్సన్‌ దర్శకత్వం వహిస్తున్న ఈ సినిమాను పాన్‌ ఇండియా రేంజ్‌లో విడుదల చేయనున్నారు. రాజకీయ నేపథ్యంలో తెరకెక్కతున్న ఈ సినిమా ప్రస్తుతం పోస్ట్‌ ప్రొడక్షన్‌ పనులు జరుపుకుంటోంది.
అలాగే చిత్ర ప్రమోషన్స్ లో భాగంగా వాలంటైన్స్‌డే రోజు బీస్ట్ సినిమాలోని ‘అరబిక్ కుతు’ అనే పాట లిరికల్‌ వీడియోను విడుదల చేశారు. ఈ సినిమాకు సంగీతం అందించిన అనిరుధ్‌ మరోసారి తన సత్తా చాటాడు. అనిరుధ్‌ ఈ పాటను తానే స్వయంగా పాడడం మరో విశేషం. ఇక పాటను చాలా రిచ్‌గా తెరకెక్కించినట్లు కనిపిస్తోంది. ముఖ్యంగా విజయ్, పూజాల మధ్య కెమిస్ట్రీ బాగా వర్కవుట్‌ అయింది. బుట్టబొమ్మ పాటలో స్టెప్స్‌తో యువతను ఉర్రుతలుగించిన పూజా హెగ్డే మరోసారి ఈ పాటతో ఆకట్టుకుంది. పూజా అందం, స్టెప్స్‌తో మెస్మరైజ్‌ చేసిందని చెప్పడంలో ఎలాంటి సందేహం లేదు. ఈ చిత్రాన్ని ఏప్రిల్‌ 14న విడుదల చేయనున్నారు. ఈ నేపధ్యంలో ఈ చిత్రం కథ గురించిన చర్చ మీడియాలో మొదలైంది.
అందుతున్న సమాచారం ప్రకారం బీస్ట్ స్టోరీ మొత్తం ఒక పెద్ద షాపింగ్ మాల్ లో జరుగుతుందని వినికిడి. ఇంట్రడక్షన్, పాటలు మినహాయించి సినిమా చివరిదాకా విజయ్ ఒకే కాస్ట్యూమ్ లో అది కూడా తెల్లని ప్యాంట్ బనియన్ తో ఉంటాడని చెప్తున్నారు. మాల్ లో బందీలు కాబడిన వారిని కాపాడే మిషన్ మీద వచ్చిన ఆఫీసర్ గా విజయ్ క్యారెక్టర్ డిఫరెంట్ గా ఉంటుందని అంటున్నారు.
ఇలాంటి కథతో గతంలో వచ్చిన సినిమాలు పెద్దగా లేవనే చెప్పాలి. 90 దశకంలో ఇదే తరహాలో బ్యాంక్ లో సాగే కథతో కన్నడలో విష్ణువర్ధన్ హీరోగా నిష్కర్ష అనే మూవీ వచ్చింది. అప్పట్లో బ్లాక్ బస్టర్. తెలుగులో నిర్బంధం పేరుతో డబ్బింగ్ చేశారు. ఇందులో కూడా హీరో సింగల్ డ్రెస్సుతో కనపడతారు. టెర్రరిస్టుల నుంచి బందీలను కాపాడే మిషన్ తో కథ సాగుతుంది. బీస్ట్ కూడా అదే ఛాయల్లో కనిపిస్తోంది అంటున్నారు. ఇందులో ఎంత నిజముందో తెలియాలంటే సినిమా రిలీజ్ దాకా వెయిట్ చెయ్యాల్సిందే.
ఇక బీస్ట్ తెలుగులోనూ భారీగా రిలీజ్ కానుంది. అలాగే తమిళ,తెలుగులలో ఒకేసారి రిలీజ్ అవుతుంది. ఇక్కడ హక్కులు కొన్న నిర్మాత ఎవరో ఇంకా బయిటకు రాలేదు. సన్ పిక్చర్స్ నిర్మాణం కాబట్టి పెద్దన్న, ఈటిల ద్వారా నష్టపోయిన వాళ్ళకే దీన్ని ఇచ్చే అవకాశాలు ఉన్నాయని ట్రేడ్ లో వినపడుతోంది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
